ரஷ்யா - உக்ரைன் போரில் உக்ரைனுக்கு உதவி... ஈரான் மீது தாக்குதல் ஆகிய காரணங்களால் அமெரிக்காவின் ஆயுத இருப்பு குறைந்துள்ளது.

இதைச் சரிசெய்ய ஜெனரல் மோட்டர்ஸ், ஃபோர்ட் உள்ளிட்ட வாகன உற்பத்தி நிறுவனங்களிடம் பேசியுள்ளது, அமெரிக்க அதிபர் ட்ரம்பின் அரசாங்கம்.

அதாவது இந்த நிறுவனங்கள் வாகன உற்பத்தியைத் தாண்டி, தங்களது உற்பத்திச் சாலைகளில் அமெரிக்காவின் ஆயுதங்கள் உற்பத்திக்கு உதவி செய்ய முடியுமா என்கிற ஆரம்பக்கட்ட பேச்சுவார்த்தை நடந்துள்ளது.

இந்தத் தகவலை அமெரிக்காவின் செய்தி நிறுவனமான 'தி வால் ஸ்ட்ரீட் ஜர்னல்' வெளியிட்டுள்ளது.

ஒருவேளை போர் சூழல் நீடித்தால், இனி புதிதாக ஒரு போர் தொடங்கினால், அதற்கு அமெரிக்காவிற்கு நிறைய ஆயுதங்கள் தேவைப்படும். இதைச் சமாளிக்கவே அமெரிக்காவிற்கு இந்த யோசனை.

இந்தப் பேச்சுவார்த்தை ஈரான் போருக்கு முன்னரே தொடங்கிவிட்டதாம். ஆனால், ஈரான் போர் தற்போதும் நீடித்து வருவதால், இந்தப் பேச்சுவார்த்தை இப்போது அவசரக்கட்டத்தை எட்டியுள்ளது.

அமெரிக்காவின் புதிய யோசனை படி, வாகன நிறுவனங்கள் முழுமையான ஆயுதங்களைத் தயாரிக்காது. வழக்கமான, ஆயுத உற்பத்தியாளர்களுக்கு உதவி செய்வார்கள் என்று கூறப்படுகிறது.

இந்தப் பேச்சுவார்த்தை சில விமான நிறுவனங்களுடனும் நடக்கிறது என்று தகவல்கள் கூறுகின்றன.