Jalna Crime news: नाशिकमधील आयटी कंपनीमध्ये होणारे धर्मांतर प्रकरण (Nashik Crime News)आणि अमरावतीमध्ये घडलेली घटना ताजी असतानाच दुसरीकडे जालन्यातही (Crime news) एक धक्कादायक घटना समोर आली आहे. इयत्ता अकरावीमध्ये शिकणाऱ्या एका महाविद्यालयीन तरुणीला प्रेमाच्या जाळ्यात ओढून आत्महत्या करण्याची धमकी देत तिच्यावर अत्याचार केल्याची घटना समोर आली आहे. तरुणीची ओळख लपविण्यासाठी आरोपीने बुरखा घालून तरुणीला घरी नेऊन तिच्यावर अत्याचार केल्याचं पीडितीने तक्रारीत म्हटला आहे. याप्रकरणी जालन्यातील कदीम जालना पोलिसांनी बिहारच्या साहिल अन्सारी नावाच्या तरुणाला अटक केली असून त्याच्या विरोधात अत्याचार आणि ॲट्रॉसिटी कायद्यांतर्गत गुन्हाही दाखल केलाय.
दरम्यान, साहिल अन्सारी नावाच्या आरोपीने मुलीची ओळख पटू नये म्हणून रस्त्यावरून येता जाताना तिला बुरखा घालायला लावत असल्याची ही माहिती पोलीस उपअधीक्षक अनंत कुलकर्णी यांनी दिली. दरम्यान या प्रकरणाचा पीपोलीस सगळ्या बाजूने तपास करत आहेत.
Pandharpur Crime: पंढरपुरातील रिलस्टार महिलेची अनैतिक संबंधातून हत्या, आरोपीला पोलिसांनी केले गजाआड
दुसरीकडे, पंढरपूर तालुक्यातील रीलस्टार अशी ओळख असणाऱ्या महिलेचा मृतदेह कालव्यात आढळून आल्याने खळबळ उडाली होती. विशेष म्हणजे वाढदिवसा दिवशीच तिचा मृत्यू झाल्याची घटना घडल्याने उलट-सुलट चर्चा सुरू झाली होती. पंढरपूर तालुक्यातील भोसे गावातील रीलस्टार असून अनैतिक संबंधातून तिची हत्या झाल्याचे समोर आले आहे. यातील मृत तरुणीचा विवाह झाला होता. मात्र ती सध्या तिच्या माहेरी भोसे येत राहत होती. भोसे येथे राहत असताना गावातील तुकाराम गावांधरे यांच्याशी तिचे प्रेम संबंध जुळून आले. मात्र प्रियकराने चारित्र्याचा संशय घेऊन ही हत्या केल्याचा प्राथमिक अंदाज पोलिसांचा आहे.
दरम्यान, सोन्याचे दागिन्यावरून झालेल्या वादात तरुणीचा गळा दाबला. यानंतर बेशुद्ध अवस्थेतील कालव्यात फेकून दिल्याची माहिती पुढे आली आहे. दरम्यान पोलिसांनी आरोपीस ताब्यात घेतल्याची माहिती असून पुढील तपास सुरू आहे.
Accident News: ट्रकच्या धडकेत तिरोडा येथील व्यापाऱ्याचा मृत्यू; तिरोडा बिरसी मार्गावरील घटना...
गोंदिया जिल्ह्याच्या तिरोडा तालुक्यातील बिरसी-तिरोडा मार्गावर ट्रकच्या धडकेत एका व्यापाऱ्याचा मृत्यू झाल्याची घटना घडली. डीलेश पारधी असे मृतकाचे नाव असून ते बिरसी कडून तिरोडा येत असताना ट्रकने त्यांच्या दुचाकीला जोरदार धडक दिली. यातच त्यांचा मृत्यू झाला. ते तिरोडा शहरातील प्रतिष्ठित व्यापारी होते तसेच भारतीय जनता पार्टीचे सक्रिय कार्यकर्ते देखील होते. घटनेची नोंद तिरोडा पोलिसांनी घेतली आहे.
इतर महत्वाच्या बातम्या
