Bigg Boss Marathi Season 6 Grand Finale: चर्चेत राहणारा बिग बॉस मराठीचा सहावा सिझनचा ग्रँड फिनाले लवकरच पार पडणार आहे. टॉप 5 स्पर्धकांमधून कोणता  स्पर्धक बिग बॉसची ट्रॉफी उचलणार, याकडे सर्वांच्याच नजरा आहेत.   बिग बॉसमधील या सीझनची थीम नशिबाचे दार अशी आहे. आता नशीबाचे दार उघडून सर्व 5 स्पर्धकांनी बिग बॉसच्या ग्रँड फिनालेमध्ये एन्ट्री केली आहे.  बिग बॉसच्या सर्व 17 स्पर्धकांना महाराष्ट्रातील जनतेकडून प्रेम मिळालं. आता या 5 स्पर्धकांमधून कोणत्या स्पर्धकाला प्रेक्षकांचा पाठींबा मिळणार, हे लवकरच उघड होईल. तन्वीने तिकीट टू फिनालेचा मान पटकावला, त्यामुळे ती विनर होऊ शकते, अशी शक्यता अनेकांनी वर्तवली. दरम्यान, इतर 4 स्पर्धकांचीही नावं चर्चेत  आहेत.  तन्वी कोलते, राकेश बापट, अनुश्री माने, विशाल कोटियन आणि दिपाली सय्यदमधून कोण ट्रॉफी  जिंकणार, हे लवकरच समोर येईल.  दरम्यान, फिनालेपूर्वी बिग बॉसच्या घरात कल्ला आणि मस्ती करण्यासाठी बिग बॉस सिझन 5च्या काही स्पर्धकांनी घरात प्रवेश केला.  याचा प्रोमो सोशल मीडियात व्हायरल होत आहे. 

बिग बॉसचा विजेता कोण होणार? (Who will win Bigg Boss Marathi 6 final)

बिग बॉसच्या घरात फिनालेपूर्वी सिझन 5 आणि 4 च्या स्पर्धकांनी घरात प्रवेश करुन धम्माल - मस्ती केली. मेघा धाडे, विशाल निकम, उत्कर्ष शिंदे, शिव ठाकरे, पुष्कर जोग  यांनी बिग बॉस सिझन 6 मधील स्पर्धकांसोबत मस्ती केली.  बिग बॉस सिझन 5 चा विनर सुरज चव्हाणने झापुक झुपूक करत घरात एन्ट्री केली. निक्की तांबोळीही उपस्थित होती.   निक्कीचा लूक खूप सुंदर होता. सुरज आणि निक्कीसह सिझन 4 चा विनर अक्षय केळकरनेही बिग बॉसच्या घरात डॅशिंग एन्ट्री केली.  

 

 

 

 

 

View this post on Instagram

 

 

 

 

 

 

 

 

 

 

 

A post shared by Colors Marathi (@colorsmarathi)

सुरज चव्हाण आणि निक्की तांबोळीची  बिग बॉसच्या घरात एन्ट्री (Suraj Chavan And Nikki Tamboli At Bigg Boss Season 6)

सुरज चव्हाण आणि निक्की तांबोळीने टॉप 5 स्पर्धकांसोबत गप्पा मारल्या, धम्माल केली. यावेळी विशाल कोटियन सुरज चव्हाणसोबत झापुक झुपूक स्टाईल डान्स करतो.  तर, इतर स्पर्धक टास्क खेळतात. बिग बॉसच्या घरात एक्स स्पर्धकांना पाहून इतर 5 स्पर्धकांना खूप आनंद होतो.  यावेळी निक्की तांबोळी आपल्या हटके शैलीत, बाईईsss काय हा प्रकार असं म्हणते.  बिग बॉसने याचा प्रोमो सोशल मीडियावर शेअर केला आहे. या प्रोमोला हटके कॅप्शनही देण्यात आलं आहे. 'बाईईईsss... बिग बॉसच्या घरात निक्की तांबोळी, अक्षय केळकर, सूरज चव्हाण येणार, खेळ कमाल रंगणार, घरातलं वातावरण झापूक-झूपूक होणार..' सध्या याचा प्रोमो सोशल मीडियात व्हायरल होत आहे. 

बिग बॉस सिझन 6 चा ग्रँड फिनाले 19 एप्रिल रोजी पार पडणार आहे.  ग्रँड फिनाले सोहळा आपल्याला कलर्स मराठी आणि जिओ हॉटस्टारवर पाहता येईल.

महत्त्वाच्या इतर बातम्या:

बिग बॉस विजेत्याला ट्रॉफीसह मिळणार मोठं बक्षीस; 'इतक्या' लाखांचा धनादेश, Voting Lines कधीपर्यंत सुरू?