अमरावती येथील मुलींचं झालेलं लैंगिक शोषण आणि अश्लील व्हिडिओ व्हायरल झाले, या प्रकरणात रोज नवनवी धक्कादायक माहिती समोर येताना दिसत आहे. ब्लॅकमेलिंग करण्याच्या उद्देशाने हे व्हिडीओ व्हायरल करण्यात आले होते. मुख्य आरोपी अहमद अयान आणि त्याचा मित्र उझेर खान यांच्यात वाद झाल्यानंतर उझरेनच त्याच्याकडे असलेले मित्राचे व्हिडीओ सोशल साईट्सवर व्हायरल केल्याचेहीव उघड झाले होते. पैशांच्या मुद्यावरून झालेल्या वादानंतर उझेरने मित्राला दगा देत त्याचे व्हिडीओ एकेक करून सोशल साईट्सवर टाकले होते. या केसमध्ये आत्तापर्यंत 8 जणांना अटक करण्यात आली असून आता मोठी अपडेटही समोर आली आहे.

परतवाडा मुलींचे लैंगिक शोषण व व्हिडिओ व्हायरल प्रकरण आणखी एक मोठा खुलासा झाला आहे. आरोपी अयान हा ज्या कठोर नाका भागातील फ्लॅटवर मुलींचे लैंगिक शोषण करत होता, त्याच कठोर नाका भागात असलेल्या “द कॅफे रॉयल 10” मध्ये देखील तो मुलींना घेऊन यायचा. एवढंच नव्हे तर एका मुलीसोबत प्रेमभंग झाल्यानंतर तो दुसऱ्या मुलींना देखील प्रेमाच्या जाळ्यात ओढायचा, अशी माहिती समोर आली आहे. एवढंच नव्हे तर पहिल्या प्रेयसीला डिवचण्यासाठी, दुसऱ्या तरूणीसोबत काढलेले फोटो तो तिथे टाकायचा असाही प्रकार उघडकीस आला आहे.

“द कॅफे रॉयल 10” च्या कंपार्टमध्ये रंगायचे अश्लील चाळे

परतवाडामध्ये तरुणींचे लैंगिक शोषण आणि अश्लील व्हिडिओ व्हायरल केल्या प्रकरणी पोलिसांकडून चौकशी सुरू असून बरीच धक्कादाय माहिती उघड झाली आहे. आरोपी अयान हा ज्या कठोर नाका भागातील फ्लॅटवर मुलींचे लैंगिक शोषण करत होता त्याच भागात असलेल्या “द कॅफे रॉयल 10” मध्ये देखील तो मुलीांना घेऊन जायचा. एवढंच नव्हे तर या कॅफेमध्ये मुलींना घेऊन बसण्यासाठी आरोपी अयान हा कॅफे चालकाला चारशे रुपये द्यायचा. या कॅफेमध्ये प्रत्येक कपल्सला बसण्यासाठी वेगवेगळे सुरक्षित कंपार्टमेंट आहे, अशी माहिती सूत्रांनी दिली.

आरोपी अयान हा अमरावतीसह अचलपूर, परतवाडा मधील कॅफेमध्ये मुलींना घेऊन जायचा. एवढंच नव्हे तर त्या कंपार्टमेंटमध्ये मुलामुलींचे अश्लील चाळेही चालत होते, असंही उघड झालं आहे. याप्रकरणाच्या तपासादरम्यान पोलिसांनी आरोपी अयानला या ठिकाणी चौकशीसाठी आणलं होतं. काल पोलिसांनी या कॅफे चालकाची चौकशी केली असून कॅफेचा पंचनामा देखील केला आहे.

एकीशी प्रेमभंग झाल्यावर दुसरीला ओढायचा जाळ्यात

अयानचीमोडस ऑपरेंडी देखील समोर आली आहे. पहिल्या एका मुलीसोबत प्रेमभंग झाल्यानंतर आरोपी अयाना हा दुसऱ्या मुलींना प्रेमाच्या जाळ्यात ओढायचा. एवढंच नव्हे तर आपल्या पहिल्या प्रेयसीला डीवचण्यासाठी तो दुसऱ्या तरुणीसोबत काढलेले फोटोदेखील तिथे टाकायचा अशी माहिती सूत्रांनी दिली आहे. अयान याने आठ युवतींना आपल्या प्रेम जाळ्यात ओढलं होतं अशीही माहिती उघड झाली. यापैकी दोन मुलींना अमरावतीच्या, मानव सुगंधी त्याच्या फ्लॅटवर नेऊन तिथे या दोन मुलींच लैंगिक शोषण केल्याची कबुली दिल्याची धक्कादायत माहिती उघड झाली आहे.

ज्या तरुणींचे व्हिडिओ आणि फोटो व्हायरल झाले त्या तरुणी आणि कुटुंब मानसिक धक्क्यात

दरम्यान या प्रकरणात आरोपी अयान सोबत ज्या तरुणींचे व्हिडिओ आणि फोटो व्हायरल झाले, त्या तरुणी आणि त्यांचे कुटुंब मानसिक धक्क्यात असल्याचे समोर आले आहे. आरोपी अयानने प्रेमाचा खोटा आव आणून फसवणूक आणि शोषण केल्याने तरुणीना पश्चाताप होतोय. व्हिडिओ परतवाडा शहरात वायरल झाल्याने समाजामध्ये आपली बदनामी झाल्याची कुटुंबीयांची भावना आहे. यामुळे आपली सामाजिक बदनामी होईल, अशी भीती या तरुणी आणि कुटुंबियांना वाटत असून त्यामुळेच त्या अयान विरोधात पोलिसात जात नाहीयेत, असं समजतंय.