इराणने स्ट्रेट ऑफ हॉर्मुज पुन्हा एकदा बंद केलं आहे. जो पर्यंत अमेरिकेची नाकेबंदी सुरु राहिल, तो पर्यंत हॉर्मुज स्ट्रेट उघडणार नाही अशी इराणने भूमिका घेतली आहे. अमेरिकन कारवाईच्या विरोधात ही Action घेतली आहे. इराणने शुक्रवारी हॉर्मुज स्ट्रेट उघडायला मान्यता दिली होती. सीजफायर दरम्यान स्ट्रेट ऑफ हॉर्मुज व्यापारी जहाजांसाठी खुलं राहिलं असं सुद्धा म्हटलं होतं. त्याचवेळी अमेरिकेचे राष्ट्राध्यक्ष डोनाल्ड ट्रम्प यांनी एक महत्वाचं स्टेटमेंट केलं आहे. इराण त्यांच्या अणवस्त्र कार्यक्रमाबद्दल जो पर्यंत तडजोड करणार नाही, तो पर्ंत ही नाकाबंदी सुरु राहील असं डोनाल्ड ट्रम्प यांनी म्हटलं आहे. करार झाला नाही तर अमेरिका पुन्हा हल्ले करेल असं सुद्धा ट्रम्प यांनी म्हटलं आहे. इराणकडे जो संवर्धित युरेनियमचा साठा आहे, तो मिळवल्याशिवाय स्वस्थ बसणार नाही हे ट्रम्प यांनी स्पष्ट केलय.

इराणच्या इस्लामी रिवॉल्यूशनरी गार्ड्सने अमेरिकेवर समुद्री दरोडेखोरीचा आरोप केला आहे. अमेरिकी नाकाबंदी ही समुद्री लुटीसारखी असल्याचं त्यांनी म्हटलं आहे. आज स्ट्रेट ऑफ हॉर्मुजमधून पर्शियन गल्फमधून काही तेल टँकर्सनी जाण्याचा प्रयत्न केला. पण त्यांना माघारी फिरण्याचा आदेश दिला. काल इराणच्या परराष्ट्र मंत्र्यांनी स्ट्रेट ऑफ हॉर्मुज व्यावसायिक जल वाहतुकीसाठी पूर्णपणे खुलं असल्याचं जाहीर केलं. आज पाच ग्रीक आणि भारतीय तेल टँकर्सना इराणी नौदलाने माघारी पाठवून दिलं.

अनेक देशात तेल संकट

हॉर्मुज स्ट्रेट पूर्णपणे उघडलेलं नाही असं इराणने आधी सांगितलं होतं. सीजफायर दरम्यान काटी अटी-शर्तींवर हा रस्ता उघडल्याच इराणच्या संरक्षण मंत्रालयाने म्हटलं होतं. सैन्य जहाजं आणि शत्रुशी संबंधित जहाजांना इथून जाण्याची परवानगी दिली जाणार नाही. स्ट्रेट ऑफ हॉर्मुज इराण आणि ओमानमध्ये असलेला अरुंद समुद्री मार्ग आहे. इथून मोठ्या प्रमाणात तेलाची वाहतूक होते. इराणने हॉर्मुजची वाट अडवून धरल्यामुळे अनेक देशात तेल संकट निर्माण झालं आहे.

ट्रम्प काय म्हणाले?

इराणसोबत बुधवारपर्यंत करार झाला नाही, तर अमेरिका पुन्हा हवाई हल्ले सुरु करेल असं डोनाल्ड ट्रम्प यांनी म्हटलं आहे. “सध्याचं सीजफायर वाढवलं सुद्धा जाऊ शकतं आणि संपुष्टात सुद्धा येऊ शकतं. कदाचित मी सीजफायर पुढे वाढवणार नाही. पण इराणी बंदराभोवती नाकेबंदी सुरुच राहिलं. आम्हाला पुन्हा बॉम्ब हल्ले करावे लागू शकतात” असं ट्रम्प म्हणाले.