आयपीएल 2026 स्पर्धेतील 27व्या सामन्याच सनरायझर्स हैदराबादचा वरचष्मा दिसला. तिसरा सामना जिंकून सनरायझर्स हैदराबादने टायगर अभी जिंदा है हे दाखवून दिलं. तीन सामन्यात पराभव झाल्याने निराशाजनक वातावरण होतं. मात्र हैदराबाद एक्स्प्रेस आता विजयी ट्रॅकवर परतली आहे. या सामन्यात नाणेफेकीचा कौल जिंकल्यानंतर कर्णधार ऋतुराज गायकवाडने प्रथम गोलंदाजी करण्याचा निर्णय घेतला. हा निर्णय चुकीचा ठरला असं म्हणावं लागेल. कारण इशान किशनला प्रथम फलंदाजी करायची होती आणि त्याच्या मनासारखं झालं. या सामन्यात सनरायझर्स हैदराबादने प्रथम फलंदाजी करताना 20 षटकात 9 गडी गमवून 194 धावा केल्या आणि विजयासाठी 195 धावांचं आव्हान दिलं. चेन्नई सुपर किंग्स संघ 20 षटकात 8 गडी गमवून 184 धावा करू शकला. हा सामना चेन्नई सुपर किंग्सने 10 धावांनी जिंकला.
चेन्नई सुपर किंग्सने विजयी धावांचा पाठलाग करताना आक्रमक सुरूवात केली खरी.. पण संजू सॅमसन, ऋतुराज गायकवाड फेल गेले. संजू सॅमसन 7 धावा करून बाद झाला. तर ऋतुराज गायकवाड या सामन्यातही फेल गेला. त्याने 13 चेंडूत 19 धावांची खेळी केली. तर आयुष म्हात्रेने आक्रमक खेळी करत 13 चेंडूत 5 चौकार आणि षटकार मारत 30 धावा केल्या. मॅथ्यू शॉर्ट आणि सरफराज खानची जोडी जमली. या जोडीने 33 चेंडूत 46 धावा केल्या. मॅथ्यू शॉर्ट 34, तर सरफराज खान 25 धावा करून बाद झाला. डेवॉल्ड ब्रेव्हिसला खातही खोलता आलं नाही. शिवम दुबे 21 धावांची खेळी करून बाद झाला. त्यामुळे अंशुल कंबोज आणि जेमी ओव्हरटनवर विजयाची जबाबदारी आली. पण त्यानाही विजयी आव्हान पेलता आलं नाही. जेमी ओव्हरटन 16 धावा करून बाद झाला.
सनरायझर्स हैदराबादने या सामन्यात चांगली सुरूवात केली. अभिषेक शर्माने आक्रमक बाणा दाखवला. त्याने 22 चेंडूत 59 धावा ठोकल्या. यात त्याने 6 चौकार आणि 4 षटकार मारले. तर ट्रेव्हिस हेड 20 चेंडूत 23 धावांची खेळी करून बाद झाला. कर्णधार इशान किशनकडून या सामन्यात अपेक्षाभंग झाला. कारण पहिल्याच चेंडूवर विकेट टाकली. तर हेनरिक क्लासेनने मधल्या फळीत डाव सावरला. त्याने 39 चेंडूत 59 धावांची खेळी केली. या व्यतिरिक्त एकही फलंदाजी चांगली कामगिरी करू शकला नाही. अनिकेत वर्मा 2, नितीश कुमार रेड्डी 12, सलील अरोरा 13, लियाम लिव्हिंगस्टोन 1, शिवांग कुमार 12 धावा करून तंबूत परतले.
