गेल्या काही दिवसांपासून उन्हाळा प्रचंड वाढला आहे. उन्हाळा सुरू झाला की घरातील एसी आणि फ्रिजचा वापर वाढतो. मात्र, उपकरणाची वॉरंटी संपली की ग्राहकांसमोर मोठा प्रश्न असतो की याची सर्व्हिसिंग कुठे करायची? असा प्रश्न अनेकांना पडलेला असतो.


कंपनीकडून सर्व्हिसिंग करून घेण्याचे काही खास फायदे आहेत जे स्थानिक मेकॅनिककडे मिळत नाहीत. कंपनीचे मेकॅनिक हे त्या ब्रँडच्या तांत्रिक बाबींसाठी विशेष प्रशिक्षिण घेतलेले असतात. जर उपकरणाचा एखादा भाग खराब झाला, तर कंपनी नेहमी ओरिजनल स्पेअर पार्ट्स वापरते.

जर तुमच्या एसी किंवा फ्रिजमध्ये कोणतीही तांत्रिक अडचण नसेल आणि फक्त धूळ साफ करायची असेल, तर अनुभवी स्थानिक मेकॅनिक हा परवडणारा पर्याय आहे. जर गॅस लीकेज, कॉम्प्रेसरची समस्या किंवा तांत्रिक बिघाड असेल, तर कंपनीच्या मेकॅनिककडूनच दुरुस्ती करून घेणे सुरक्षित ठरते. थोडक्यात सांगायचे तर, लहान कामांसाठी स्थानिक आणि मोठ्या कामांसाठी कंपनीचा पर्याय निवडणे हे तुमच्यासाठी फायदेशीर ठरते.