आयपीएल स्पर्धेच्या 19 व्या मोसमातील 31 व्या सामन्यात सोमवारी सनरायजर्स हैदराबाद विरुद्ध दिल्ली कॅपिट्ल्स यांच्यात कडवी झुंज पाहायला मिळणार आहे. इशान किशन हैदराबादच्या टीमच्या नेतृत्वाची जबाबदारी सांभाळणार आहे. तर अक्षर पटेल याच्याकडे दिल्लीच्या कर्णधारपदाची धुरा आहे. हैदराबादच्या एका सामन्याचा अपवाद वगळल्यास दोन्ही संघांची सारखीच स्थिती आहे. हैदराबादने आतापर्यंत 6 तर दिल्लीने 5 सामने खेळले आहेत. दोन्ही संघांनी समसमान 3 सामने जिंकले आहेत. त्यामुळे आता एकमेकांसमोर दोघांपैकी कोणता संघ 2 गुणांची कमाई करणार? हे पाहणं औत्सुक्याचं ठरणार आहे.