सनरायजर्स हैदराबादने आयपीएल स्पर्धेच्या 19 व्या मोसमातील (IPL 2026) 31 व्या सामन्यात घरच्या मैदानात राजीव गांधी आंतरराष्ट्रीय क्रिकेट स्टेडियममध्ये दिल्ली कॅपिट्ल्सवर एकतर्फी विजय मिळवला आहे. हैदराबादने दिल्लीचा 47 धावांनी धुव्वा उडवला. ओपनर अभिषेक शर्मा याने केलेल्या नाबाद शतकी खेळीच्या जोरावर सनरायजर्स हैदराबादने दिल्लीसमोर 243 धावांचं आव्हान ठेवलं होतं. मात्र दिल्लीला हैदराबादच्या गोलंदाजांसमोर 20 ओव्हरमध्ये 9 विकेट्स गमावून 195 धावांपर्यंतच पोहचता आलं. हैदराबादने अशाप्रकारे एकूण चौथा आणि सलग तिसरा विजय मिळवला. अभिषेक शर्मा आणि इशान मलिंगा हे दोघे हैदराबादच्या विजयाचे शिल्पकार ठरले. अभिषेकने नाबाद 135 धावांची खेळी केली. तर एशान मलिंगा याने सर्वाधिक 4 विकेट्स घेत बॉलिंगने हैदराबादच्या विजयात प्रमुख भूमिका बजावली. तर दिल्लीचा हा एकूण तिसरा पराभव ठरला.

दिल्लीने टॉस जिंकून हैदराबादला बॅटिंगसाठी भाग पाडलं. हैदराबादने या संधीचा फायदा घेत पुन्हा एकदा 200 पार मजल मारली. हैदाराबादची 200 पेक्षा अधिक धावा करण्याची ही 16 वी वेळ ठरली. हैदराबादसाठी ओपनर अभिषेक शर्मा याने नाबाद आणि सर्वाधिक 135 धावा केल्या. अभिषेकने 135 पैकी 100 धावा या चौकार आणि षटकारांच्या मदतीने केल्या. अभिषेकने 10 चौकार आणि 10 षटकार खेचेले. अभिषेकसोबत हेन्रिक क्लासेन नॉट आऊट परतला. क्लासेनने 37 धाव केल्या. ट्रेव्हीस हेड याने 37 तर कॅप्टन इशान किशन याने 25 धावा जोडल्या. दिल्लीसाठी अक्षर पटेल याने एकमेव विकेट मिळवली.

दिल्लीच्या फलंदाजांनी विजयी आव्हानाजवळ पोहचण्याचा प्रयत्न केला. मात्र दिल्लीकडून नितीश राणापैकी एकालाही अर्धशतकी खेळी करता आली नाही. त्यामुळे दिल्लीचे प्रयत्न अपुरे पडेल. नितीशने सर्वाधिक 57 धावा केल्या. चौघांना चांगली सुरुवात मिळाली. मात्र त्यापैकी एकालाही मोठी खेळी करता आली नाही. समीर रिझवी याने 41, केएल राहुल 37, ट्रिस्टन स्टब्स 27 आणि आशुतोष शर्मा याने 14 धावा जोडल्या. डेव्हिड मिलरकडून अनेक आशा होता. त्यामुळे एशान मलिंगा याने मिलरचा पहिल्याच बॉलवर काटा काढला. तर इतरांनी गुडघे टेकले.

स्कोअरकार्ड

हैदराबादसाठी एशान मलिंगा याने सर्वाधिक 4 विकेट्स मिळवल्या. तर हर्ष दुबे याने तिघांना मैदानाबाहेरचा रस्ता दाखवला. तर दिलशान मदुशंका आणि शाकीब हुसैन या दोघांनी प्रत्येकी 1-1 विकेट मिळवली.