घर ही अशी जागा आहे, जिथे आपले मरेपर्यंत वास्तव्य असते. सुख, दु:खाचे सगळे क्षण आपण याच घरात घालवत असतो. त्यामुळेच घरात आल्यावर प्रसन्न वाटणे गरजेचे असते. घराची तशी काळजी घेणे फार महत्त्वाचे असते.
काही घरांची कितीही काळजी घेतली तरीही ते आकर्षक, छान दिसतच नाहीत. काही घरात तर खूपच दुर्गंधी येते. कितीही रुम फ्रेशनरचा वापर केला तरीही ही दुर्गंधी जात नाही. त्यामुळे काय करावे ते अनेकांना समजतच नाही. परंतु अशा काही ट्रिक आहेत, ज्यांचा वापर करून तुम्ही तुमच्या घरातील दुर्गंधी घालवू शकता. एक रुपयाही न खर्च करता घरात फक्त ही फुलझाडं लावली तरी तुमच्या घरात सुगंध दरवळेल. दुर्गंधी येणार नाही.
तुम्ही घरातील बलकनीमध्ये चमेलीचे फुलझाड ठेवले तर तुमच्या घरात नेहमी सुगंध दरवळेल. कारण चमेलीच्या फुलाला खूप सुगंध असतो. घरात एकदा हा सुगंध आला की त्याचा दरवळ खूप वेळ राहतो. त्यामुळे तुमच्या घरातील दुर्गंधी नाहीशी होते.

गुलाब हा फुलांचा राजा मानला जातो. त्याच्या रंगामुळे घराची शोभा वाढते. तसेच त्याच्या सुगंधामुळेही घरात प्रसन्न वातावरण राहते. त्यामुळे खिडकीत किंवा गॅलरीत तुम्ही गुलाबाचे झाड लावल्यास तुमच्या घरातील दुर्गंधी नाहीशी होते. तुमच्या घरात प्रसन्न वाटायला लागते.