கடந்த மாதம் அறிமுக இயக்கநரான மரியா ராஜா இளங்செழியன் இயக்கத்தில் ஜி.வி.பிரகாஷ் நடிப்பில் வெளியான ஹாப்பி ராஜ் திரைப்படத்தின் ஒடிடி வெளியீட்டு தேதியை அறிவித்துள்ளார் ஜி.வி.பிரகாஷ். இந்த ஆண்டு தமிழ் சினிமாவில் வெளியான படங்களில் ரசிகர்களை அதிகம் கவர்ந்த பராசக்தி, தலைவர் தம்பி தலைமையில், தாய் கிழவி, வித் லவ் மற்றும் யூத் உள்ளிட்ட படங்களும் ஓடிடியில் வெளியாகி ரசிகர்களை கவர்ந்தன. இந்நிலையில், ஜிவி பிரகாஷின் ஹாப்பி ராஜ் விரைவில் வெளியாகிறது.

ஜி.வி.பிரகாஷ் 2006ஆம் ஆண்டு வெயில் திரைப்படத்தின் மூலம் இசையமைப்பாளராக அறிமுகமானார். முதல் படத்திலேயே அவரது இசை அனைவரின் கவனத்தை ஈர்த்தது. பின்னர் பொல்லாதவன், ஆடுகளம் போன்ற படங்களுக்கு இசையமைத்து பெரும் வரவேற்பைப் பெற்று தேசிய விருதுகளும் கிடைத்தது.

இசையமைப்பாளராக வெற்றி பெற்ற பிறகு, 2015ஆம் ஆண்டு டார்லிங் திரைப்படத்தின் மூலம் நடிகராக அறிமுகமானார். இந்த படம் வணிகரீதியாக வெற்றி பெற்று, அவரை நடிகராகவும் நிலைநிறுத்தியது. தொடர்ந்து த்ரிஷா இல்லனா நயன்தாரா, சிவப்பு மங்சள் பச்சை, பெச்சுலர் போன்ற பல படங்களில் நடித்துள்ளார்.

ஹாப்பி ராஜ் படத்தில் ஜி.வி.பிரகாஷுடன் கௌரி பிரியா, கீதா கைலாசம், ஜார்ஜ் மரியன், மதுரை முத்து என பலர் நடித்துள்ளனர். மேலும், நடிகர் அப்பாஸ் பல ஆண்டுகளுக்கு பிறகு இப்படத்தில் ரீ எண்ட்ரி கொடுத்துள்ளார்.

படத்தில் கதாநாயகனாக வரும் “ஹப்பி ராஜ்” எப்போதும் சந்தோஷமாக இருப்பதையே வாழ்க்கையின் நோக்கமாகக் கொண்டிருப்பார். ஆனால் காதல், நண்பர்கள், குடும்பம் போன்ற உறவுகள் அவரின் வாழ்க்கையில் பல திருப்பங்களை உருவாக்குகின்றன. அந்த சூழ்நிலைகளில் அவர் எப்படி சமாளிக்கிறார் என்பதே கதையின் முக்கிய அம்சமாக அமைகிறது. ஜார்ஜ் மரியன் தான் இந்த படத்தின் ரியல் ஹீரோ என பா. ரஞ்சித் முதல் பலரும் பாராட்டிய நிலையில், அப்பாக்களை பெருமைப்படுத்தும் படமாக ஓடிடியில் இந்த படம் வெளியாக உள்ளது.

ஹாப்பி ராஜ் திரைப்படம் வருகின்ற ஏப்ரல் 24ம் தேதி அமேசான் பிரைம் ஓடிடி தளத்தில் வெளியாக உள்ளதாக அதிகாரப்பூர்வ அறிவிப்பை ஜி.வி.பிரகாஷ் வெளியிட்டுள்ளார். இந்த வாரம் தேர்தல் காரணமாக புதிய படங்கள் பெரிதாக வராத நிலையில், ஓடிடியில் ஜி.வி. பிரகாஷுக்கு செம ஜாக்பாட் தான்.