கேவிஎன் நிறுவனம் தயாரிப்பில் விஜய் உள்ளிட்ட பலரும் நடித்து உருவான ஜனநாயகன் திரைப்படம் தற்போது வரை தியேட்டரில் வெளியாகவில்லை.. அதற்கு காரணம் தற்போது படம் மறு தணிக்கையில் இருக்கிறது.. தமிழக சட்டசபை தேர்தல் ரிசல்ட் வெளியான பின்னரே இந்த படம் வெளியாகும் என எதிர்பார்க்கப்பட்ட நிலையில் திடீரென சில நாட்களுக்கு முன்பு ஜனநாயகன் முழு படமும் சில இணையதளங்களில் லீக் ஆகி படக்குழுவினருக்கு அதிர்ச்சியை கொடுத்தது.

இது தொடர்பாக கேவிஎன் தயாரிப்பு நிறுவனம் சைபர் கிரைம் காவல்துறையில் புகார் அளித்தனர். இது தொடர்பான விசாரணையில் உமாசங்கர் என்கிற ஃபிரிலான்ஸ் வீடியோ எடிட்டர்தான் இந்த தவறை செய்ததாக கண்டுபிடிக்கப்பட்டது.. தற்போது அவர் சிறையில் அடைக்கப்பட்டிருக்கிறார்.

ஆனால் எனக்கும் இதற்கும் சம்பந்தமில்லை என தொடர்ந்து உமாசங்கர் கூறி வருகிறார்.. அதோடு அவர் ஜாமினுக்கும் விண்ணப்பித்தார். ஆனால் அவருக்கு ஜாமின் அளிக்க கேவிஎன் நிறுவனம் எதிர்ப்பு தெரிவித்தது . இந்நிலையில்தான், போலீசாரின் விசாரணையில் ஒரு புதிய தகவல் தெரிய வந்திருக்கிறது.

ஜனநாயகன் படத்தை ஆன்லைனில் அப்லோட் செய்ததாக கூறப்படும் உமாசங்கர் வீடியோ எடிட்டர் அல்ல.. அவர் ஒரு சாப்ட்வேர் இன்ஜினியர் என காவல்துறையினர் கூறியிருக்கிறார்கள். வேறு திரைப்பட பணிகளுக்காக வந்த ஃபிரிலேன்ஸ் எடிட்டர் பிரசாத் என்பவர் ஜனநாயகன் பட காட்சிகளை காப்பி எடுத்து பெரும் தொகைக்காக உமா சங்கரிடம் விற்றது விசாரணையில் தெரிய வந்திருக்கிறது..