Royal Challengers Bengaluru vs Gujarat Titans Marathi Update: रॉयल चॅलेंजर्स बंगळुरूने इंडियन प्रीमिअर लीग २०२६ मध्ये बंगळुरूच्या एम चिन्नास्वामी स्टेडियमवर झालेल्या ५ पैकी चार सामन्यांत विजय मिळवला. दिल्ली कॅपिटल्सकडून त्यांना हार पत्करावी लागली होती, पंरतु आज RCB ने बंगळुरूच्या चाहत्यांचा विजयाने निरोप घेतला. चिन्नास्वामी स्टेडियमवरील हा RCB चा शेवटचा सामना होता. आता उर्वरित ७ सामने हे बंगळुरूबाहेर खेळणार आहेत, परंतु आयपीएलचा इतिहास पाहता प्रत्येक फ्रँचायझी त्यांच्या घरच्या मैदानावर ७ सामने खेळते, पण यावेळी RCB च्या चाहत्यांना केवळ पाच सामने का आले?

साई सुदर्शनने ५८ चेंडूंत ११ चौकार व ५ षटकारांसह १०० धावांची खेळी करून गुजरातला ३ बाद २०५ धावांपर्यंत पोहोचवले. RCB ला हे लक्ष्य जड जाईल असे वाटले होते, कारण जेकब बेथेल ( १४) स्वस्तात माघारी परतला. पण, विराट कोहली आज भलत्याच मूडमध्ये होता आणि त्याला साथ मिळाली फॉर्मात असलेल्या देवदत्त पडिक्कल याची... देवदत्तने २० चेंडूंत अर्धशतक पूर्ण केले. या दोघांनी गुजरातच्या गोलंदाजांना चांगलाच चोप दिला.

दोघांची ११५ धावांची भागीदारी राशिद खानने संपुष्टात आणली. देवदत्त २७ चेंडूंत २ चौकार व ६ षटकारांसह ५५ धावांवर बाद झाला. त्यानंतर रजत पाटीदार ( ८) व जितेश शर्मा ( १०) हे स्वस्तात माघारी परतल्याने सामन्यात रंगत आली होती. पण, टीम डेव्हिड ( १०) व कृणाल पांड्याच्या १२ चेंडूंत नाबाद २३ धावांची संघाला १८.५ षटकांत विजय मिळवून दिला. RCB ने पाच विकेट्स राखून हा सामना जिंकला आणि गुणतालिकेत दुसऱ्या क्रमांकावर झेप घेतली.