जळगावच्या सराफ बाजारात गेल्या काही दिवसांपासून सोने आणि चांदीचे भाव हे अस्थिर असल्याचे पाहायला मिळाले. मिडल इस्टमधील युद्धामुळे सोन्याचे भाव आकाशाला स्पर्श करत होते. मात्र, आज सोने आणि चांदीच्या दरात घसरण झाली आहे. चला जाणून घेऊया आजचा 10 ग्रॅम सोन्याचा भाव किती...

काल जळगावच्या सराफ बाजारात सोन्याचे दर घसरले होते. ही सर्वसामान्यांसाठी आनंदाची बातमी होती. त्यानंतर आज देखील पुन्हा एकदा हे दर घसरले आहेत. त्यामुळे जर तुम्ही सोने खरेदीचा विचार करत असाल तर आजचा दिवस तुमच्यासाठी चांगला आहे.

जळगावच्या सराफ बाजारात सोन्याच्या दरात सलग तीन दिवसांपासून घसरण सुरू आहे. आज सोन्याच्या दरात पुन्हा 500 रुपयांची घसरण झाली आहे. तर दुसरीकडे चांदीच्या दरात आज 1 हजारांची वाढ झाली आहे.

आज 10 ग्रॅम सोन्यासाठी जीएसटीसह 1 लाख 53 हजार 470 रुपयांवर मोजावे लागणार आहेत. तर चांदीचे दर जीएसटीसह 2 लाख 50 हजार 290 रुपयांवर पोहोचले आहेत. सोन्याच्या दरात 2 दिवसात 2 हजार 800 रुपयांची तर चांदीच्या दरात 7 हजार रुपयांची घसरण झाली आहे.

(टीप- वरच्या लेखात दिलेली माहिती ही प्राथमिक स्वरुपाची आहे. या लेखाच्या माध्यमातून गुंतवणूक करण्याचा सल्ला दिलेला नाही. कुठेही प्रत्यक्ष वा अप्रत्यक्ष गुंतवणूक करायची असेल किंवा कोणताही आर्थिक निर्णय घ्यायचा असेल तर त्या-त्या क्षेत्रातील तज्ज्ञांचा सल्ला जरूर घ्या)