Gujarat Titans vs Royal Challengers Bengaluru Marathi Update : गतविजेत्या रॉयल चॅलेंजर्स बंगळुरूला इंडियन प्रीमिअर लीग २०२६ मध्ये पहिल्यांचा पूर्णपणे बॅकफूटवर फेकलेले पाहायला मिळाले. विराट कोहलीने आक्रमक सुरूवात करून दिली खरी, परंतु अन्य फलंदाजांनी माती खाल्ली. गुजरात टायटन्सच्या गोलंदाजांनी अप्रतिम मारा करताना RCB ला कमी धावसंख्येवर रोखले. रजत पाटीदारच्या विकेटवरून या सामन्यात वाद रंगलेला पाहायला मिळाला. त्याला बाद देण्याचा निर्णय वादग्रस्त ठरला.

विराट कोहलीने दुसऱ्या षटकात कागिसो रबाडाला सलग पाच चौकार मारल्यानंतर आज धावांचा डोंगर पाहायला मिळेल अशी अपेक्षा होती. पण, मोहम्मद सिराजने तिसऱ्या षटकात जेकब बेथल ( ५) याला माघारी पाठवले आणि त्यानंतर रबाडाने मागील षटकात झालेल्या अपमानाचा वचपा काढला. विराट १३ चेंडूंत ५ चौकार व १ षटकारासह २८ धावांवर झेलबाद झाला. फटका मारण्यासाठी पुढे आलेल्या विराटला त्याने आखूड टप्प्याचा चेंडू टाकला अन् विराटचा फटका चुकला. राशिद खानने अप्रतिम झेल टिपला आणि RCB चे दोन्ही सलामीवीर ३५ धावांत माघारी परतले.