Rajasthan Royals vs Delhi Capitals Marathi Update:'ई सिगारेट' वादात सापडलेल्या रियान परागने ( Riyan Parag) इंडियन प्रीमिअर लीग २०२६ मध्ये शुक्रवारी दमदार खेळी केली. त्याचे आयपीएलमधील पहिले शतक १० धावांनी हुकले, परंतु त्याने टीकाकारांना प्रत्युत्तर दिले. वैभव सूर्यवंशी व यशस्वी जैस्वाल हे राजस्थान रॉयल्सचे दोन्ही फॉर्मात असलेले सलामीवीर स्वस्तात माघारी परतले. दिल्ली कॅपिटल्सच्या मिचेल स्टार्क व कायले जेमिन्सन यांनी धक्के दिल्यानंतर RR च्या मधल्या फळीची कसोटी होती. त्यावर रियान व ध्रुव जुरेल खरे उतरले, रवींद्र जडेजानेही कर्णधाराला चांगली साथ दिली आणि त्यांनी आव्हानात्मक धावसंख्या उभी केली. पण, पहिलाच सामना खेळणाऱ्या मिचेल स्टार्कनेही मॅच गाजवली.

RR ला आज अपेक्षित सुरूवात करता आली नाही. पॉवर प्लेमध्ये दबदबा राखणाऱ्या या संघाचे दोन्ही सलामीवीर दोन षटकांत माघारी परतले. मिचेल स्टार्कच्या पहिल्याच चेंडूवर यशस्वी जैस्वालने ( ६) षटकार खेचला खरा, परंतु ऑसी गोलंदाजाने तिसरा चेंडू फुलटॉस टाकला अन् यशस्वी त्यावर मोठा फटका मारू शकला नाही. चेंडू हवेत जागच्या जागी उडाला, तो स्टार्कनेच झेलला. स्टार्क आणि १५ वर्षीय वैभव सूर्यवंशीयांच्यातल्या चुरशीची सर्व वाट पाहत होते. पण, कायले जेमिन्सनेने दुसऱ्याच षटकात वैभवचा ( ४) त्रिफळा उडवला. अप्रतिम यॉर्कवर वैभवचा त्रिफळा उडाल्यानंतर जेमिन्सनचे सेलिब्रेशन पाहण्यासारखे होते.