आयपीएल 2026 स्पर्धेत अर्जुन तेंडुलकर लखनौ सुपर जायंट्स फ्रेंचायझीकडून खेळत आहे. आतापर्यंत त्याला आयपीएल स्पर्धेतील या पर्वात खेळण्याची संधी मिळाली नाही. त्यामुळे त्याचा फॉर्म कसा हे सांगणं कठीण आहे. पण स्पर्धेपूर्वी लखनौ सुपर जायंट्सने मुंबई इंडियन्सकडून त्याला संघात घेतलं आहे. सध्या लखनौ सुपर जायंट्स संघाची स्पर्धेतील स्थिती नाजूक आहे. त्यामुळे त्याला पुढच्या काही सामन्यात मैदानात उतरण्याची संधी मिळू शकते. त्यामुळे त्याची पारख करणं फ्रेंचायझीला सोपं जाईल. असं असताना अर्जुन तेंडुलकरला एक आनंदाची बातमी मिळाली आहे. आयपीएल स्पर्धेदरम्यान मुंबई टी20 स्पर्धेचा लिलाव पार पडला. यात अर्जुन तेंडुलकरसाठी जोरदार बोली लागली. अखेर आर्क्स अंधेरी संघाने मोठी बोली लावत त्याला संघात घेतलं. त्यामुळे अर्जुन तेंडुलकर मुंबई टी20 स्पर्धेत आर्क्स अंधेरी संघाकडून खेळताना दिसणार आहे.

खरं तर अर्जुन तेंडुलकर देशांतर्गत क्रिकेटमध्ये गोव्याकडून खेळतो. त्यामुळे त्याला मुंबई टी20 स्पर्धेत खेळण्यासाठी खास परवानगी मिळाली आहे. कारण या स्पर्धेत फक्त मुंबई क्रिकेट असोसिएशनकडून खेळणाऱ्या खेळाडूंना संधी दिली जाते. असं असताना अर्जुन तेंडुलकरला मुंबई टी20 स्पर्धा खेळण्याची संधी मिळाली आहे. मुंबई क्रिकेट असोसिएशनच्या टी20 लीगसाठी 2 मे रोजी लिलाव प्रक्रिया पार पडली. या लिलाव प्रक्रियेत मास्टर ब्लास्टर सचिन तेंडुलकरचा मुलगा अर्जुनही उतरला होता. त्यामुळे त्याच्यासाठी कोण बोली लावणार याची उत्सुकता होती. अखेल लिलावार आर्क्स अंधेरीने अष्टपैलू अर्जुन तेंडुलकर 10 लाखांची बोली लावली आणि संघात घेतलं. त्याच्या मूळ किंमतीच्या पाचपट रक्कम त्याला मिळाली. अर्जुन तेंडुलकर 2 लाखांच्या मूळ किमतीसह लिलालावत उतरला होता.

26 वर्षीय अर्जुन तेंडुलकर आता या स्पर्धेत कशी कामगिरी करतो याकडे लक्ष असणार आहे. अर्जुन तेंडुलकरसह आर्क्स अंधेरीने युवा स्टार फलंदाज मुशीर खानलाही संघात घेतलं आहे. त्याच्यासाठी 11 लाखांची किंमत मोजली. तर प्रसाद पवारसाठी 11.50 लाख मोजले. या फ्रेंचायझीने स्टार खेळाडू आणि वर्ल्ड चॅम्पियन अष्टपैली शिवम दुबेला 20 लाख रुपयात रिटेन केलं आहे.