फेंग शुई हे चीनी वास्तुशास्त्र आहे. ज्या प्रमाणे वास्तुशास्त्रामध्ये काही प्राणी, पक्षी आणि झाडं शुभ माण्यात आले आहेत. त्याचप्रमाणे फेंग शुईमध्ये देखील काही प्राणी, पक्षी आणि झाडं शुभ माण्यात आले आहेत. तुम्ही जर या प्राण्यांच्या मुर्ती घरात ठेवल्या तर त्याचा अतिशय सकारात्मक प्रभाव तुमच्या घरावर होतो. घरात सकारात्मक ऊर्जा निर्माण होऊन ऊर्जा संतुलन साधलं जातं आणि त्यामुळे तुमच्या आयुष्यातील सर्व प्रकारच्या समस्या नष्ट होतात, असं फेंग शुईमध्ये सांगण्यात आलं आहे. फेंग शुईनुसार तुमच्या भोवती ज्या काही वस्तू असतात त्या प्रत्येक वस्तुंचा तुमच्यावर सकारात्मक किंवा नकारात्मक परिणाम होत असतो. तसेच तुम्ही ती वस्तू कोणत्या दिशेला ठेवली आहे? ती दिशा देखील महत्त्वाची असते. म्हणजे फेंग शुईमध्ये जर एखाद्या वस्तुला शुभ माण्यात आलं आहे, ती वस्तू तुम्ही तुमच्या घरात आणली मात्र ती जर चुकीच्या दिशेला ठेवली तर त्याचा उलट परिणाम हा तुमच्यावर होऊ शकतो. त्यामुळे तुमचं नुकसान होण्याची शक्यता असते.
फेंग शुईमध्ये असे काही प्राणी सांगण्यात आले आहेत, ज्यांच्या मूर्ती तुम्ही जर तुमच्या घरात ठेवल्या तर त्यामुळे तुमच्या घरात सकारात्मक ऊर्जा तयार होते. परिणामी तुम्हाला मोठा आर्थिक लाभ होतो, तसेच अकस्मात धन प्राप्तीचा योग देखील बनू शकतो. मात्र या मुर्ती खरेदी करताना एक काळजी आवश्य घ्यावी, या मूर्ती आकाराने फार लहान किंवा मोठ्या असू नये, घरात मूर्ती खरेदी करताना नेहमी मध्यम आकाराच्याच मूर्ती खरेदी कराव्यात. चला तर मग जाणून घेऊयात या मूर्ती नेमक्या कोणत्या आहेत? आणि फेंग शुईमध्ये नेमकं काय सांगितलं आहे? त्याबद्दल.
हत्ती – फेंग शुई शास्त्रानुसार घरात हत्तीची मूर्ती ठेवणं हे अत्यंत शुभ माण्यात आलं आहे, कारण हत्तीला भव्यता आणि स्थिरतेचं प्रतिक माण्यात आलं आहे. जर तुमच्या घरात हत्तीची मूर्ती असेल तर तुमच्याकडे आलेला पैसा तुमच्या हातात टिकून राहतो, अनावश्यक खर्चाला आळा बसतो, पैशांची बचत होते. तसेच जर तुमच्या आयुष्यात काही आर्थिक समस्या असतील तर त्या देखील दूर होतात असं फेंग शुईमध्ये म्हटलं आहे.
घोडा – घोड्याला चपळतेचं आणि प्रगतीचं प्रतिक माण्यात आलं आहे. फेंग शुई शास्त्रानुसार तुम्ही जर तुमच्या घरात घोड्याची मूर्ती ठेवली तर त्यामुळे तुमचं नशीब देखील घोड्या सारखं धावू लागतं. तुम्हाला प्रगतीच्या अनेक संधी मिळतात. करिअरमध्ये तुम्ही मोठी झेप घेता असं फेंग शुई शास्त्र सांगतं.
(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)
