राहुरी विधानसभा पोटनिवडणुकीची मतमोजणी आज पार पडली. यात अक्षय कर्डिले यांनी शानदार विजय मिळवला आहे. भाजपचे आमदार शिवाजी कर्डिले यांच्या निधनानंतर ही जागा रिक्त झाली होती. त्यानंतर झालेल्या पोटनिवडणुकीत भाजपचे उमेदवार अक्षय कर्डिले यांनी शानदार विजय मिळवला आहे. अक्षय कर्डिले यांचा सामना शरद पवार यांच्या राष्ट्रवादीच्या गोविंद मोकाटे यांच्याशी झाला होता. या निवडणुकीत अक्षय कर्डिले यांनी 1 लाखापेक्षा जास्त मतांनी विजय मिळवला आहे.

राहुरी पोटनिवडणुकीत मिळालेल्या विजयानंतर अक्षय कर्डिले यांच्या कार्यकर्यांनी मोठा जल्लोष केला. त्यांच्या कार्यकर्त्यांनी त्यांनी खांद्यावर उचलून घेत आनंद साजरा केला. या विजयानंतर बोलताना कर्डिले यांनी, ‘आज माझे वडील असते तर खूप आनंद झाला असता. मला ज्यांनी ज्यांनी मदत केली मी त्यांना कधी विसरू शकत नाही. यत्या काळात सर्वांना मदत करणार अशी भावना व्यक्त केली.

राहुरी विधानसभा पोटनिवडणुकीच्या मतमोजणीत अक्षय कर्डिले यांनी सुरुवातीपासूनच आघाडी घेतली होती. प्रत्येक फेरीनंतर त्यांची आघाडी वाढत गेली. अखेर त्यांनी एक लाखापेक्षा जास्त मतांनी विजय मिळवला आहे. ही पोटनिवडणूक जाहीर झाल्यापासून अक्षय कर्डिले यांच्या नावाची चर्चा होती. या निवडणुकीत ते विजय मिळवतील असा अंदाज एक्झिट पोलमध्येही वर्तवण्यात आला होता. अखेर आता त्यांचा विजय झाला आहे.

बारामती विधानसभा पोटनिवडणुकीचा निकाल आज जाहीर झाला आहे. महायुतीच्या उमेदवार सुनेत्रा पवार यांनी ऐतिहासिक विजय नोंदवला आहे. दिवंगत उपमुख्यमंत्री अजित पवार यांच्या निधनामुळे ही जागा रिक्त झाली होती. यापूर्वी अजित पवार यांनी याच मतदारसंघातून 1 लाख 65 हजार मताधिक्यांचा विक्रम प्रस्थापित केला होता. मात्र, सुनेत्रा पवार यांनी आजच्या निकालात हा आकडा खूप मागे टाकला आहे. ताज्या आकडेवारीनुसार, सुनेत्रा पवार यांनी तब्बल 2,18,930 मतांच्या प्रचंड फरकाने विजय मिळवला आहे. या विजयामुळे बारामतीत कार्यकर्त्यांकडून आनंद व्यक्त केला जात आहे.