बारामती : स्वस्त दरात गहू देण्याच्या आमिषाने फेसबुकच्या (Baramati Crime News) माध्यमातून व्यापाऱ्याला जाळ्यात ओढून रिव्हॉल्व्हरचा धाक दाखवत लूट करणाऱ्या टोळीचा बारामती तालुका पोलिसांनी अवघ्या काही तासांत पर्दाफाश केला. या प्रकरणात चार आरोपींना अटक करण्यात आली असून, त्यांच्या ताब्यातून सुमारे 8 लाख 15 हजार रुपयांचा मुद्देमाल जप्त करण्यात आला आहे.(Baramati Crime News) या प्रकरणातील आरोपींमध्ये रवी संजय माने, श्रीकांत अर्जुन घुले, अभिषेक भाऊसो ठोंबरे आणि अतुल मोहन भोलणकर यांचा समावेश आहे. फिर्यादी सूरज सरजेराव गावडे (वय 27, रा. तासगाव, जि. सांगली) हे गव्हाच्या पिठाच्या व्यवसायात आहेत. फेसबुक मार्केटप्लेसवर “बाजारभावापेक्षा स्वस्त गहू” अशी जाहिरात पाहून त्यांनी संबंधित लिंकवर आपली माहिती नोंदवली. त्यानंतर आरोपींनी बनावट फेसबुक अकाउंटवरून संपर्क साधत त्यांना बारामती येथे येण्यास सांगितले.(Baramati Crime News)
4 मे 2026 रोजी गावडे हे आपल्या छोटा हत्ती टेम्पो व चालकासह रोख रक्कम घेऊन बारामतीत दाखल झाले. आरोपींनी त्यांना पेन्सिल चौक आणि त्यानंतर कल्याणी कॉर्नर येथे बोलावले. येथे एका संशयिताने स्कूटीवर येत “शेठने पाठवले आहे” असे सांगून त्यांना गहू दाखवण्याच्या बहाण्याने सोबत नेले. स्कूटीला नंबर प्लेट नव्हती आणि संबंधित व्यक्तीने चेहरा झाकला होता.(Baramati Crime News) यानंतर गावडे आणि त्यांच्या चालकाला पेंजिओ कंपनीच्या मागील बाजूस, पुलाचे काम सुरू असलेल्या निर्जन भागात नेण्यात आले. तेथे आधीच चारचाकी कारमध्ये इतर आरोपी थांबलेले होते. या ठिकाणी पोहोचताच आरोपींनी पिस्तूलाचा धाक दाखवत दोघांनाही मारहाण केली. गावडे यांच्या कपाळावर बंदूक रोखण्यात आली, तर चालकावरही हल्ला करण्यात आला. त्यानंतर त्यांच्या खिशातील रोख रक्कम, चांदीच्या अंगठ्या, घड्याळ तसेच चालकाच्या कानातील सोन्याचे दागिने हिसकावून घेतले. “पोलिसांत तक्रार केल्यास जीवे मारू” अशी धमकी देत आरोपी घटनास्थळावरून फरार झाले.(Baramati Crime News)
घटनेची माहिती मिळताच पोलिस निरीक्षक चंद्रशेखर यादव यांच्या नेतृत्वाखाली पथकाने तात्काळ तपास सुरू केला. सीसीटीव्ही फुटेज, टोल नाक्यांवरील नोंदी आणि सायबर विश्लेषणाच्या मदतीने आरोपींच्या हालचालींचा माग काढण्यात आला. आरोपी वारंवार ठिकाणे बदलत असल्याने पोलिसांनी शिरसुफळ, गाडीखेल, पारवडी, खडकी, रावणगाव, कुरकुंभ, भिगवण आदी भागांत जाळे पसरवले. इंदापूर, भिगवण आणि वालचंदनगर पोलिसांच्या मदतीने विविध ठिकाणी नाकाबंदी करण्यात आली. अखेर भिगवण परिसरात थरारक पाठलाग करत तिघांना गाडीसह ताब्यात घेण्यात आले. चौथ्या आरोपीला त्याच्या राहत्या घरातून अटक करण्यात आली.
या कारवाईदरम्यान आरोपींकडून सोन्या-चांदीचे दागिने, घड्याळ, दोन पिस्तुले, जिवंत काडतुसे आणि रोख रक्कम असा मोठा मुद्देमाल जप्त करण्यात आला. पोलिस अधीक्षक संदीप सिंह गिल, अपर पोलिस अधीक्षक गणेश बिरादार आणि उपविभागीय अधिकारी सुदर्शन राठोड यांच्या मार्गदर्शनाखाली ही कारवाई पार पडली. विविध पोलिस ठाणे आणि सायबर पथकाच्या समन्वयामुळे ही मोहीम यशस्वी ठरली असून, या घटनेमुळे ऑनलाइन व्यवहार करताना सावधगिरी बाळगण्याची गरज पुन्हा अधोरेखित झाली आहे.
