Snake Tail Facts: सापाच्या दंशाने माणसाचा मृत्यू ओढावतो. काही प्रकरणात तर जीव वाचावायला सुद्धा संधी मिळत नाही. कारण काही साप अत्यंत जहरी असतात. काही मिनिटातच माणसाचा खेळ खल्लास होतो. पण अनेकांच्या मनात प्रश्न येतो की सापाचा शेपटीचा फटका बसल्याने सुद्धा माणसाचा जीव जाऊ शकतो का? काय आहे त्यामागील रहस्य? अनेक जण दावा करतात की सापाच्या शेपटीचा फटका बसला की माणसाचे प्राण जातात. पण त्यामागे दुसरे काही कारण असते का? काय आहे त्या दाव्यामागील सत्य?

सापाच्या शेपटीच्या फटक्याने जातो जीव?

तर सापाच्या शेपटीच्या फटक्याने जीव जात नाही. मात्र भीतीने जीव जाऊ शकतो. तर सापच्या शेपटीच्या जोरदार फटक्याने त्वचेवर खरचटू शकते आणि त्यानंतर संक्रमण होऊन त्यामुळे ताप येऊ शकतो. हा ताप, सापाच्या शेपटीने नाही तर संक्रमणामुळे येऊ शकतो. जखम आणि जीवाणूंचा संसर्ग होऊन आग आग होऊ शकते. ताप येऊ शकतो. पण जर या ठिकाणी सूज वाढली अथवा बैचेनी सारखं वाटलं तर मात्र तुम्ही लागलीच डॉक्टरांचा सल्ला घ्या. औषधं नक्की घ्या.

सापाच्या शेपटीतही असते का विष?

तर काही सर्पतज्ज्ञांच्या मते, सापाच्या शेपटीत विष नसते. पण कधी कधी प्रतिक्रिया म्हणून साप शेपटी मारू शकतो. अर्थात त्यामुळे मनुष्याला इजा होत नाही, पण नाजूक ठिकाणी शेपटी लागल्यास इजा होते आणि ताप येऊ शकतो. सापाच्या शेपटीत कोणतेही विष नसते. बिनविषारी सापाच्या दंशाने सुद्धा भीती निर्माण होते. तो भाग सुजतो आणि ताप येतो. पण विषारी साप जर असेल तर मात्र विषाची मात्रा जितकी तीव्र तितके ते जीवावर बेतते. जर लवकर उपाय केले तरीही काहींना डोकेदुखी, अस्वस्थता, बैचेनी, पचन न होणे असे काही परिणाम दिसतात. काही जणांवर त्याचा मानसिक परिणाम होतो. भीती आणि तणावामुळे काहीजण निराशेत जाऊ शकतात.

सापाच्या दंशामुळे इन्फेक्शन होऊ शकते. शरीरातील प्रतिकार शक्ती कमी होऊ शकते. ताप वाढतो. सापाच्या शेपटच्या फटक्याने किरकोळ इजा होऊ शकते. भीतीने काहींची गाळण उडू शकते. सापाला कधी कधी धोका जाणवला तर तो जोरात शेपटी मारतो. पण त्यात विष नसते. त्यामुळे सापाने शेपटी मारल्याने कुणाचा जीव गेल्याचे अद्याप ऐकिवात नाही.