How Siraj dismissed Vaibhav Sooryavanshi in IPL 2026? राजस्थान रॉयल्सचा युवा फलंदाज वैभव सूर्यवंशी पुन्हा एकदा आपल्या स्फोटक फलंदाजीमुळे चर्चेत होता. गुजरात टायटन्सविरुद्धच्या सामन्यात त्याने सुरुवातीपासूनच आक्रमक खेळ करत गोलंदाजांवर दबाव आणला. वैभवने ट्वेंटी-२० क्रिकेटमध्ये १०० षटकार पूर्ण करणारा पहिला किशोरवयीन क्रिकेटपटू बनण्याचा जागतिक विक्रमही आपल्या नावावर केला. मात्र, त्याची ही धडाकेबाज खेळी गुजरात टायटन्सचे प्रशिक्षक आशिष नेहरा आणि मोहम्मद सिराज यांच्या भन्नाट रणनीतीमुळे थांबली.

वैभव सूर्यवंशीने राजस्थानला आक्रमक सुरुवात करून दिली. त्याने १६ चेंडूंत ३ चौकार व ३ षटकारांसह ३६ धावा चोपल्या. या तीन षटकारांनी त्याने मोठे विक्रम नोंदवले. आयपीएलच्या एका पर्वात पॉवर प्लेमध्ये सर्वाधिक ३० षटकार खेचले. शिवाय आयपीएलच्या एका पर्वात सर्वाधिक षटकार मारणाऱ्या भारतीयांमध्ये तो दुसऱ्या स्थानावर पोहोचला आहे. वैभवने या पर्वात ४० षटकार खेचले आहेत आणि तो अभिषेक शर्माच्या ( ४२) जवळ पोहोचला आहे. पण, त्याने विराट कोहली, सूर्यकुमार यादव, श्रेयस अय्यर यांना मागे टाकले.