गुजरात टायटन्स विरुद्ध सनरायझर्स हैदराबाद यांच्यात मंगळवारी 12 मे रोजी आयपीएल स्पर्धेच्या 19 व्या मोसमातील (IPL 2026) 56 वा सामना खेळवण्यात येणार आहे. हा सामना अहमदाबादमधील नरेंद्र मोदी स्टेडियममध्ये होणार आहे. शुबमन गिल गुजरात टायटन्सचं नेतृत्व करणार आहे. तर पॅट कमिन्स याच्याकडे सनरायझर्स हैदराबादच्या कर्णधारपदाची धुरा असणार आहे. दोन्ही संघांचा हा या मोसमातील 12 वा सामना असणार आहे. दोन्ही संघांनी आतापर्यंत 11 पैकी 7 सामने जिंकले आहेत. त्यामुळे आणखी एका विजयासह प्लेऑफमध्ये पोहचण्याची संधी आहे. अशात आता चाहत्यांना मंगळवारी होणाऱ्या सामन्यात चुरस पाहायला मिळणार आहे. या निमित्ताने दोन्ही संघांची एकमेकांविरूद्धची आकडेवारी कशी आहे हे जाणून घेऊयात.

गुजरात-हैदराबादपैकी वरचढ कोण?

गुजरात विरुद्ध हैदराबाद दोन्ही संघांची मंगळवारी आमनेसामने येण्याची आठवी वेळ असणार आहे. याआधीच्या 7 पैकी सर्वाधिक सामन्यांत गुजरातने विजय मिळवल्याचं आकड्यांवरुन स्पष्ट होतं. गुजरातने हैदराबादला 7 पैकी 5 सामन्यांत पराभूत केलंय. तर हैदराबादला एकमेव सामनाच जिंकता आला आहे.