Pune Crime Nasrapur Case: पुण्यातील भोर तालुक्यातील नसरापूर अत्याचार प्रकरणाने (Nasrapur Case) संपूर्ण महाराष्ट्र हादरला आहे. या प्रकरणी सर्वत्र संतापाची लाट उसळल्यानंतर या अत्याचार प्रकरणात सरकारने विशेष सरकारी वकिल म्हणून ज्येष्ठ विधिज्ञ अजय मिसर यांची नियुक्ती करण्यात आली आहे. नसरापूर प्रकरणाची सुनावणी प्रभावीपणे आणि जलदगतीने पार पाडण्यासाठी शासनाकडून हा निर्णय घेण्यात आला आहे. (Pune Crime Nasrapur Case) अशातच आता या अत्याचार प्रकरणाबाबत एक महत्वाची माहिती समोर आली असून राज्य सरकार विशेष न्यायालय स्थापन करण्याबाबत अध्यादेश काढण्यात आल्याची माहिती आहे.
दरम्यान, सरकारी वकील म्हणून नियुक्ती झाल्यानंतर अजय मिसर यांनी संपूर्ण प्रकरणाच्या तपासाचा आढावा घेतलाय. यासाठी अजय मिसर यांनी घटनास्थळी जाऊन भेट दिली. यावेळी ग्रामीण पोलिसांकडून संपूर्ण प्रकरणाची माहिती जाणून घेतली. यावेळी तपास पथकाने आत्तापर्यंत केलेल्या तपासाचा आढावा अजय मिसर यांनी पोलिसांकडून घेतला आहे.
Nasrapur Crime Case : प्रकरणाची सुनावणी प्रभावीपणे आणि जलदगतीने पार पाडण्यासाठी शासनाचा निर्णय
नसरापूर अत्याचारप्रकरणी अजय मिसर यांची सरकारी वकील म्हणून नियुक्ती करण्यात आली आहे. नसरापूर अत्याचार प्रकरणात सरकारने विशेष सरकारी वकिल म्हणून ज्येष्ठ विधिज्ञ अजय मिसर यांची नियुक्ती केली आहे. नसरापूर प्रकरणाची सुनावणी प्रभावीपणे आणि जलदगतीने पार पाडण्यासाठी शासनाने हा निर्णय घेतला आहे. पुणे ग्रामीण पोलिसांकडून तपास वेगाने पूर्ण करून न्यायालयात पुरावे सादर करण्याची प्रक्रिया सुरू असून यातील आरोपीला 12 मेपर्यंत पोलीस कोठडी सुनावली आहे. पुणे जिल्ह्यातील नसरापूर गावात 1 मे रोजी चिमुकलीवर अत्याचार तसेच त्यानंतर तिचा खून करण्यात आला होता.
पुणे जिल्हा विधी सेवा प्राधिकरणाचा मोठा निर्णय पीडित कुटुंबीयांना दहा दहा लाखांची नुकसान भरपाई
नसरापूर आणि म्हाळुंगे येथील अत्याचार प्रकरणी पुणे जिल्हा विधी सेवा प्राधिकरणाचा मोठा निर्णय घेण्यात आला आहे. या दोन्ही प्रकरणातील पीडित कुटुंबीयांना प्रत्येकी दहा लाख रुपयांची नुकसान भरपाई देण्यात येणार आहे. पुणे जिल्हा प्रमुख न्यायाधीश आणि पुणे जिल्हा विधी सेवा प्राधिकरणाने बैठक घेऊन संपूर्ण कागदपत्रांची पडताळणी केली आणि त्यानंतर पीडित कुटुंबीयांना दहा दहा लाखांची नुकसान भरपाई देण्याचा निर्णय घेतलाय. मनोधैर्य योजनेअंतर्गत ही नुकसान भरपाई दिली जाणार आहे. मनोधैर्य योजनेत मंजूर झालेल्या रकमांपैकी 25% पीडित कुटुंबीयांना दिली जाते. बलात्कार, अत्याचार तसेच ॲसिड हल्ल्यात जखमी झालेल्या विविध आणि कुटुंबीयांनाही भरपाई मनोधैर्य योजना अंतर्गत जाहीर केली जाते. तीच मदत नसरापूर आणि म्हाळुंगे येथील कुटुंबीयांना देखील जाहीर करण्यात आली आहे.
इतर महत्वाच्या बातम्या
