गेल्या काही दिवसांपासून राज्यात भोंदू अशोक खरातने प्रकरण चांगलेच चर्चेत आहे. अशोक खरातने अनेक महिलांचे दैवी शक्ती असल्याच्या नावाखाली लैंगिक शोषण आणि बलात्कर केले. महिलांसोबत चुकीचे कृत्य केल्याचे अनेक व्हिडीओ सोशल मीडियावर व्हायरल झाले. तसेच अशोक खरातने अनेक शेतकऱ्यांना फसवून त्यांची जमीन नावावर करुन घेतल्याचा देखील प्रकार उघडकीस आला. महिलांच्या तक्रारीनंतर अशोक खरात तुरुंगात आहे. तसेच त्याची ईडीकडूनही चौकशी होत आहे. दरम्यान, अशोक खरातच्या कानाम्यांवर चित्रपट येत असल्याची माहिती समोर आली आहे.
रुपाली चाकणकरांच्या भूमिकेत दीपाली सय्यद
अशोक खरात आणि महिला आयोगाच्या माजी अध्यक्ष रुपाली चाकणकर यांचे देखील काही फोटो सोशल मीडियावर व्हायरल झाले. त्यानंतर आता खरातच्या जीवनावर सिनेमा येत असल्यामुळे या चित्रपटात रुपाली चाकणकर यांची भूमिका कोण साकारणार? असा प्रश्न अनेकांना पडला आहे. अभिनेत्री दीपाली सय्यद ही भूमिका साकारणार असल्याचे समोर आले आहे. आता यावर दीपाली सय्यदने स्वत: प्रतिक्रिया दिली आहे.
दीपाली सय्यदने दिली प्रतिक्रिया
टीव्ही ९ मराठीशी खरात सिनेमावर बोलताना दीपाली सय्यद म्हणाली, भोंदूबाबा अशोक खरातची मला कल्पनाच नव्हती. बाहेर आल्यानंतर (बिग बॉसच्या घरातून) कळलं की असा एक भोंदूबाबा आला आणि त्याने पूर्ण हलवून टाकलं सगळीकडे. पण चित्रपट मी काढत नाहीये हा चित्रपट दुसरं कोणी काढतंय. प्रोड्युसर मी नाहीये. पण मी कलाकार म्हणून त्या चित्रपटात दिसणार आहे. लवकरच मी तुमच्यासमोर येणार आहे. रुपाली ताईंबरोबर जे काही झालं असेल ते इतके वर्षापासून आहे. त्याने ती जी गोष्ट आहे ती हँडल केली ते ही आहे.
भोंदूबाबा खरातचे सत्य आणि या प्रकरणातील राजकीय पडद्यामागच्या घडामोडी या चित्रपटातून उलगडणार असल्याचा दावा केला जात आहे. त्यामुळे दीपाली सय्यद यांची भूमिका आणि चित्रपटाचे कथानक याबाबत आता मोठी उत्सुकता निर्माण झाली आहे.
