आयपीएल स्पर्धेच्या 19 व्या मोसमातील (IPL 2026) प्लेऑफ स्पर्धेतील एलिमिनेटरचा सामन्यात सनरायझर्स हैदराबाद विरुद्ध राजस्थान रॉयल्स आमनेसामने होते. या सामन्याचं आयोजन हे मुल्लानपुरमधील महाराजा यादवेंद्र सिंह आंतरराष्ट्रीय स्टेडियममध्ये करण्यात आलं होतं. या सामन्यात राजस्थान रॉयल्सने सनरायझर्स हैदराबादवर एकतर्फी फरकाने मात करत क्वालिफायर 2 मध्ये प्रवेश केला आहे. तर हैदराबादचं पराभवासह 19 व्या मोसमातून बाजार उठला आहे. राजस्थानने हैदराबादसमोर 244 धावांचं आव्हान ठेवलं होतं. मात्र हैदराबादला 19.2 ओव्हरमध्ये 196 धावांपर्यंतच पोहचता आलं. हैदराबाद अशाप्रकारे पराभवासह स्पर्धेतून बाहेर झाली. आता आरसीबी विरुद्ध अंतिम फेरीत कोण खेळणार? याचा निकाल हा शुक्रवारी 29 मे रोजी लागणार आहे. क्वालिफायर 2 सामन्यातील विजेता संघ अंतिम फेरीसाठी पात्र ठरणार आहे. या क्वालिफायर 2 मध्ये राजस्थान रॉयल्ससमोर गुजरात टायटन्सचं आव्हान असणार आहे.