अनेकदा गडबडीत किंवा पाण्याचा अंदाज चुकल्यामुळे वरण (डाळ) खूप पातळ होते. पातळ वरण खाताना ना भातासोबत मजा येते ना पोळीसोबत. पण काळजी करू नका,  पातळ झालेल्या वरणाला झटपट हॉटेलसारखा दाटसरपणा आणि उत्तम चव आणण्यासाठी या सोप्या टिप्स नक्की वापरून पहा. 

डाळीचे किंवा गव्हाचे पीठ    

हा सर्वात प्रभावी आणि सोपा मार्ग आहे, ज्यामुळे वरणाची चवही बदलत नाही आणि वरण लगेच घट्ट होते.

कसे वापराल?: एका छोट्या वाटीत १ ते २ चमचे बेसन किंवा गव्हाचे पीठ घ्या. त्यात थोडे पाणी घालून गुठळ्या होणार नाहीत अशी पातळ पेस्ट बनवून घ्या. आता ही पेस्ट पातळ वरणात ओता आणि वरणाला मध्यम आचेवर ३-४ मिनिटे चांगली उकळी येऊ द्या. वरण लगेच घट्ट होईल.

उकडलेला बटाटा मॅश करून टाका

बटाट्यामध्ये असणारे स्टार्च वरणाला नैसर्गिक घट्टपणा देण्याचे काम करते.

कसे वापराल?: जर तुमच्याकडे उकडलेला बटाटा असेल, तर त्याचा एक छोटा तुकडा हाताने किंवा चमच्याने एकदम मऊ (मॅश) करून घ्या. हा मॅश केलेला बटाटा वरणात मिक्स करा आणि २ मिनिटे उकळा. यामुळे वरणाची चव वाढेल आणि ते छान दाटसर होईल.

 डाळ कढईत आटवून घ्या)

जर तुमच्याकडे वेळ असेल आणि वरण जास्त पातळ नसेल, तर हा नैसर्गिक उपाय वापरा.

कसे वापराल?: वरणावर झाकण न ठेवता ते गॅसवर मध्यम ते हाय फ्लेमवर उकळत ठेवा. चमच्याने वरण मध्येमध्ये ढवळत राहा. वाफेच्या रूपाने जास्तीचे पाणी उडून जाईल आणि डाळ घट्ट होईल. टीप: वरण आटवताना त्यात मीठ आणि तिखट थोडे कमी आहे ना हे तपासा, कारण पाणी आटल्यावर चव खारट होऊ शकते.

टोमॅटो प्युरी किंवा काजू पावडर 

जर वरण थोडे स्पेशल किंवा आमटीसारखे बनवायचे असेल, तर हा उपाय उत्तम आहे.

कसे वापराल?: १ लहान टोमॅटो मिक्सरला लावून त्याची प्युरी बनवा आणि ती वरणात घालून ५ मिनिटे उकळा. किंवा घरात काजू असतील, तर ३-४ काजूची पावडर करून ती वरणात टाका. यामुळे वरणाला रेस्टोरंटसारखा रिच आणि क्रीमी टेक्सचर मिळेल.

ALSO READ: फ्रिजमध्ये पीठ काळं पडतं? हा उपाय एकदा करून पहा

जर तुमच्याकडे मऊ शिजवलेला भात असेल, तर त्यातला २ चमचे भात मिक्सरला लावून त्याची पेस्ट बनवा आणि ती पातळ वरणात मिक्स करा. यामुळे वरणाची चव तशीच राहून वरण लगेच घट्ट होते. पुढच्या वेळी वरण पातळ झाल्यास टेन्शन न घेता या टिप्स नक्की ट्राय करा! 

अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

ALSO READ: भजी कुरकुरीत आणि दीर्घकाळ खुसखुशीत राहण्यासाठी पिठात खालील वस्तू नक्की टाका

Edited By- Dhanashri Naik

ALSO READ: लसूण सोलण्यासाठी ३० सेकंदांची ट्रिक; वेळ आणि मेहनत दोन्ही वाचतील