वृत्तसंस्था/ नवी दिल्ली

केंद्र सरकारने पेट्रोल, डिझेल आणि विमान इंधनावरील (एटीएफ) निर्यात शुल्क कमी केले आहे. सरकारने जारी केलेल्या निवेदनानुसार, हे नवीन दर 1 जूनपासून लागू होतील. तथापि, देशांतर्गत वापरासाठीच्या पेट्रोल आणि डिझेलवरील सध्याच्या उत्पादन शुल्क दरांमध्ये कोणताही बदल होणार नाही. म्हणजेच देशांतर्गत इंधन खरेदी करणाऱ्यांवर याचा कोणताही परिणाम होणार नाही.

निर्यातीवरील विशेष अतिरिक्त उत्पादन शुल्क आकारणीला विंडफॉल टॅक्स म्हणूनही ओळखले जाते. अर्थ मंत्रालयाच्या अधिसूचनेनुसार, पेट्रोल निर्यातीवरील विंडफॉल टॅक्स निम्मा करून प्रतिलिटर 1.50 रुपये करण्यात आला आहे. डिझेल निर्यातीवरील कर प्रतिलिटर 13.50 रुपये आणि प्रतिलिटर 9.50 रुपयांपर्यंत कमी करण्यात आला आहे. पेट्रोल आणि डिझेल निर्यातीवरील रस्ते आणि पायाभूत सुविधा उपकर शून्य राहील. यापूर्वी पेट्रोलवरील कर 16 मे रोजी प्रतिलिटर 3 रुपये दराने लागू करण्यात आला होता. पाक्षिक आढाव्यानंतर, 1 जूनपासून तो प्रतिलिटर 1.50 रुपयांपर्यंत कमी करण्यात आला आहे. डिझेल निर्यातीवरील शुल्क प्रतिलिटर 16.50 रुपयांवरून प्रतिलिटर 13.50 रुपयांपर्यंत कमी करण्यात आले आहे. त्याचप्रमाणे, एटीएफवरील शुल्क प्रतिलिटर 16 रुपयांवरून प्रतिलिटर 9.50 रुपयांपर्यंत कमी करण्यात आले आहे.

………………