ऑस्ट्रेलिया क्रिकेट टीम पाकिस्तान दौऱ्यावर (Australia Tour Of Pakistan) आहे. ऑस्ट्रेलिया आणि यजमान पाकिस्तान विरुद्ध 3 सामन्यांची एकदिवसीय मालिका खेळवण्यात येत आहे. उभयसंघातील मालिका 2 सामन्यांनंतर 1-1 ने बरोबरीत आहे. पाकिस्तानने ऑस्ट्रेलिया विरुद्ध विजयी सलामी देत मालिकेत 1-0 अशी आघाडी मिळवली. त्यामुळे पाकिस्तानकडे सलग दुसरा सामना जिंकून मालिका आपल्या नावावर करण्याची संधी होती. मात्र पाहुण्या ऑस्ट्रेलियाने करो या मरो सामन्यात पाकिस्तानला लोळवलं आणि मालिकेत विजयाचं खातं उघडलं. त्यामुळे आता तिसऱ्या सामन्यासह दोन्ही संघांना मालिका जिंकण्याची बरोबरीची संधी आहे. अशात आता पाकिस्तान यशस्वी ठरणार की ऑस्ट्रेलिया ट्रॉफीसह मायदेशी परतणार? हे पाहणं महत्त्वाचं ठरणार आहे.
पाकिस्ताने 30 मे रोजी ऑस्ट्रेलियावर 5 विकेट्सने विजय मिळवला. त्यानंतर ऑस्ट्रेलियाने जोरदार कमबॅक केलं. कांगारुंनी मंगळवारी 2 जून रोजी पाकिस्तानचा 41 धावांनी धुव्वा उडवला. आता तिसरा सामना हा गुरुवारी होणार आहे. जोश इंग्लिस याच्याकडे ऑस्ट्रेलियाच्या नेतृत्वाची जबाबदारी आहे. तर शाहीन शाह पाकिस्तानचं कर्णधारपद सांभाळत आहे. अशात आता तिसऱ्या सामन्याबाबत महत्त्वाची माहिती जाणून घेऊयात.
पाकिस्तान विरुद्ध ऑस्ट्रेलिया तिसरा आणि अंतिम एकदिवसीय सामना गुरुवारी 4 जून रोजी खेळवण्यात येणार आहे.
पाकिस्तान विरुद्ध ऑस्ट्रेलिया तिसरा आणि अंतिम एकदिवसीय क्रिकेट सामना लाहोरमधील गद्दाफी स्टेडियममध्ये होणार आहे.
पाकिस्तान विरुद्ध ऑस्ट्रेलिया तिसऱ्या आणि अंतिम एकदिवसीय सामन्याला भारतीय वेळेनुसार संध्याकाळी 5 वाजता सुरुवात होणार आहे. तर 4 वाजून 30 मिनिटांनी टॉस होणार आहे.
पाकिस्तान विरुद्ध ऑस्ट्रेलिया तिसरा आणि अंतिम सामना टीव्हीवर भारतात दाखवण्यात येणार नाही.
पाकिस्तान विरुद्ध ऑस्ट्रेलिया तिसरा आणि अंतिम सामना मोबाईलवर निवडक एपद्वारे लाईव्ह पाहता येईल.
