क्रिकेट ऑस्ट्रेलियाने बिग बॅश लीग टी20 स्पर्धेसाठी खूप मोठा निर्णय घेतला आहे. या स्पर्धेतील दोन संघांचं एकत्रिकरण होणार आहे. रिपोर्टनुसार, मेलबर्न रेनीगेड्स आणि मेलबर्न स्टार्स संघ आता एकच संघ असतील. (फोटो-GETTY IMAGES)

SEN रिपोर्टनुसार, मेलबर्न स्टार्स आणि मेलबर्न रेनीगेड्स संघाचं मर्जर होणार आहे. कारण दोन्ही संघ क्रिकेट विक्टोरिया चालवत होते. पण या दोन्ही संघांचं एकत्रिकरण झाल्याने कोणत्या नावाने ओळखली जाईल हे मात्र अस्पष्ट आहे. (फोटो-GETTY IMAGES)

क्रिकेट ऑस्ट्रेलियाने हा निर्णय घेत आपलाच फायदा केला आहे. मेलबर्न एकच संघ होईल आणि दुसरी फ्रेंचायझी म्हणून आयपीएलमधील एका संघ मालकाची एन्ट्री होईल. म्हणजेच आयपीएलमधील एक संघ बीबीएलमध्येही एक संघ तयार करेल. (फोटो-GETTY IMAGES)

मेलबर्न स्टार्सने आतापर्यंत बिग बॅश लीग स्पर्धेत एकदाही जेतेपद मिळवलेलं नाही. मागच्या 16 पर्वापासून झोळी रिती आहे. दुसरीकडे, रेनीगेड्सने 2018-2019 मध्ये पहिल्यांदा आणि शेवटचं जेतेपद मिळवलं होतं. (फोटो-GETTY IMAGES)

क्रिकेट ऑस्ट्रेलियाला बिग बॅश लीगचं खासगीकरण करायचं आहे. त्यामुळे बाहेरच्या फ्रेंचायझी बिग बॅश लीग स्पर्धेत संघ विकत किंवा गुंतवणूक करू शकतात. 2027-2028 पासून हा बदल हवा आहे. पण क्वींसलँड आणि न्यू साउथ वेल्स या निर्णयाविरुद्ध आहेत. (फोटो-GETTY IMAGES)