शुबमन गिल याच्या नेतृत्वात टीम इंडियाने अफगाणिस्तानचा एकमेव कसोटी सामन्यात तिसऱ्याच दिवशी धुव्वा उडवला आहे. टीम इंडिया विरुद्ध अफगाणिस्तान यांच्यातील कसोटी सामन्याचं आयोजन हे न्यू चंडीगडमधील महाराजा यादवेंद्र आंतरराष्ट्रीय क्रिकेट स्टेडियममध्ये करण्यात आलं होतं. टीम इंडियाने या सामन्यात अफगाणिस्तानवर डाव आणि 300 धावांनी विजय मिळवला आहे. टीम इंडियाने पहिला डाव 8 विकेट्स गमावून 564 धावांवर घोषित केला. त्यानंतर भारताने अफगाणिस्तानला पहिल्या डावात 152 धावांवर गुंडाळून फॉलोऑन दिला. तर दुसऱ्या डावात 112 रन्सवर ऑलआऊट करत भारताने विजय मिळवला. डेब्युटंट मानव सुथार भारताच्या विजयात बॉलिंगने सर्वोत्तम योगदान दिलं. मानवने एकूण 7 विकेट्स मिळवल्या.