टीम इंडियाने 8 जून रोजी अफगाणिस्तानवर एकमेव कसोटी सामन्यात विजय मिळवला. आता उभयसंघात 13 जूनपासून 3 सामन्यांची एकदिवसीय मालिका खेळवण्यात येणार आहे. त्याआधी 9 जूनपासून श्रीलंकेत ट्राय सीरिजचा थरार रंगणार आहे. ट्राय सीरिजमध्ये इंडिया ए, अफगाणिस्तान ए आणि श्रीलंका ए यांच्यात एकूण 7 सामन्यांचा थरार रंगणार आहे. प्रत्येक संघाला 4 सामने खेळण्याची संधी मिळणार आहे. या मालिकेतील पहिल्या सामन्यात यजमान श्रीलंका ए विरुद्ध इंडिया ए आमनेसामने असणार आहेत. या सामन्याबाबत महत्त्वाची माहिती जाणून घेऊयात.
श्रीलंका ए विरुद्ध इंडिया ए यांच्यातील एकदिवसीय सामना मंगळवारी 9 जून रोजी खेळवण्यात येणार आहे.
श्रीलंका ए विरुद्ध इंडिया ए सामना रनगिरी दांबुला आंतरराष्ट्रीय स्टेडियममध्ये खेळवण्यात येणार आहे.
श्रीलंका ए विरुद्ध इंडिया ए सामन्याला भारतीय वेळेनुसार सकाळी 10 वाजता सुरुवात होईल. तर 9 वाजून 30 मिनिटांनी टॉस होणार आहे.
श्रीलंका ए विरुद्ध इंडिया ए सामना टीव्हीवर सोनी स्पोर्ट्स नेटवर्कवरील चॅनेल्सवर पाहायला मिळेल.
श्रीलंका ए विरुद्ध इंडिया ए सामना मोबाईलवर सोनी लिव्ह एपद्वारे लाईव्ह पाहायला मिळेल.
पहिला सामना, विरुद्ध श्रीलंका ए, 9 जून
दुसरा सामना, विरुद्ध अफगाणिस्तान ए, 11 जून
तिसरा सामना, विरुद्ध श्रीलंका ए, 15 जून
चौथा सामना, विरुद्ध अफगाणिस्तान ए, 17 जून
अंतिम सामना, 21 जून.
तिलक वर्मा इंडिया ए टीमचं नेतृत्व करणार आहे. तर ऋतुराज गायकवाड याच्याकडे उपकर्णधारपदाची जबाबदारी आहे. तर सहान अरच्चिगे श्रीलंका ए संघाच्या नेतृत्व करणार आहे. मात्र वैभव सूर्यवंशी याच्या बॅटिंगकडे साऱ्या क्रिकेट चाहत्यांचं लक्ष असणार आहे. वैभवचा इंडिया टीममध्ये निवड झाल्यानंतर हा पहिलाच सामना असणार आहे. त्यामुळे वैभव किती धावा करतो आणि कसं खेळतो हे पाहणं महत्त्वाचं ठरणार आहे.
