Virat Kohli Shares Emotional Message For Kane Williamson: न्यूझीलंडचा महान फलंदाज केन विल्यमसन (Kane Williamson)याने आंतरराष्ट्रीय क्रिकेटमधून अचानक निवृत्ती जाहीर केली आहे. त्याने निवृत्तीची घोषणा करताच क्रिकेट विश्वाला मोठा धक्का बसला. जागतिक क्रिकेटमधील एका सुवर्णयुगाचा अंत झाल्याची भावना अनेक चाहत्यांनी व्यक्त केली.

त्याच्या निवृत्तीनंतर जवळचा मित्र विराट कोहलीने(Virat Kohli) सोशल मीडियावर एक भावनिक पोस्ट शेअर केली आहे. विराट कोहली आणि केन विल्यमसन यांची मैत्री खूप जुनी आहे. त्यांची मैत्री २००८ च्या अंडर-१९ विश्वचषकादरम्यान झाली होती आणि आता केनच्या निवृत्तीनंतर विराटची ही पोस्ट चर्चेचा विषय ठरली आहे.

विराट कोहलीने आपल्या पोस्टमध्ये लिहिलं की, "इतक्या वर्षांमध्ये आपण प्रतिस्पर्धी होतो, पण आता खूप चांगले मित्र झालो आहोत. तुला फलंदाजी करताना पाहणे आणि तुझ्याविरुद्ध खेळणे हा एक शानदार अनुभव होता. पण त्यापेक्षाही मला आपली मैत्री आणि विचार जास्त महत्त्वाचे वाटतात. आपण जेव्हा कधी बोलतो किंवा भेटतो, तो प्रत्येक क्षण माझ्यासाठी खास असतो. माझ्या भावा, तुला भविष्यासाठी खूप शुभेच्छा. क्रिकेटसाठी तू तुझं काम चोख केलं आहेस. आता आरामात राहा आणि आयुष्याचा आनंद घे. शाब्बास भावा, खरं आयुष्य तर आता कुठे सुरू झालंय."