ॲमेझॉन प्राइम डे सेल 2026 लवकरच सुरू होणार आहे. त्याची तारीख जाहीर झाली असून कोणत्या उत्पादनांवर किती टक्के सूट मिळेल हे देखील ॲमेझॉनने उघड केले आहे. प्राइम डे सेलसाठी एक स्वतंत्र पेज तयार करण्यात आले आहे, ज्यावरून असे दिसून येते की या सेलदरम्यान तुम्ही काही उत्पादनावर थेट 80 टक्क्यांपर्यंत बचत करू शकाल. चला तर मग आजच्या लेखात आपण ॲमेझॉन प्राइम डे सेलची तारीख आणि कोणकोणत्या उत्पादनावर बंपर सवलत दिली जात आहे ते जाणून घेऊयात.

ॲमेझॉन प्राइम डे सेल 2026 जुलैच्या या तारखेपासून होणार सुरू

ई-कॉमर्स क्षेत्रातील दिग्गज कंपनी ॲमेझॉनने जाहीर केले आहे की भारतातील प्राइम डे सेल जुलैच्या पहिल्या आठवड्यात म्हणजेच 4 जुलै ते 6 जुलैपर्यंत तीन दिवसीय ऑनलाईन सेल केवळ प्राइम सदस्यांसाठी सुरू होणार आहे.

तर या सेलमध्ये केवळ मोबाईल फोनच नव्हे, तर वॉटर प्युरिफायर, होम सिक्युरिटी कॅमेरा, कार डॅशकॅम, लॅपटॉप, हेडफोन, टॅब्लेट आणि स्मार्टवॉच यांसारख्या अनेक उत्पादनांवरही मोठी सूट दिली जाईल.

या प्रोडक्टव 40% ते 80% पर्यंत बंपर सवलत

ॲमेझॉन सेल 2026 दरम्यान मोबाईल फोन आणि ॲक्सेसरीजवर 40% पर्यंत सूट उपलब्ध असेल. ॲमेझॉनने स्पष्ट केले आहे की, ग्राहकांना एक्सचेंज ऑफर्स आणि नो-कॉस्ट ईएमआयसारखे फायदे मिळतील. याव्यतिरिक्त या सेलमध्ये सॅमसंग गॅलेक्सी एस25 अल्ट्रा, आयक्यूओ 15, रेडमी ए7 प्रो आणि वनप्लस नॉर्ड बड्स 4 प्रो यांसारख्या हजारो मोबाईल उत्पादनांवर मोठी बचत करण्याची संधी मिळणार आहे.

ॲमेझॉनच्या पेजवर इलेक्ट्रॉनिक्स आणि ॲक्सेसरीजवर 80% पर्यंत सूट असल्याचे दिसून येते. या रेंजमध्ये लॅपटॉप, टॅब्लेट, हेडफोन, कॅमेरा आणि स्मार्टवॉच यांचा समावेश आहे. उत्पादनावरील सवलतींव्यतिरिक्त एक्सचेंज ऑफर्स आणि नो-कॉस्ट ईएमआयचे पर्यायही उपलब्ध आहेत.

सेलमध्ये घरगुती उपकरणांवर 65 टक्के सुट

सेल दरम्यान घरगुती उपकरणांवर 65 टक्क्यांपर्यंत सूट उपलब्ध असेल. या श्रेणीमध्ये वॉशिंग मशीनवर 55 टक्क्यांपर्यंत सुट मिळणार आहे. तर रेफ्रिजरेटरवर 50 टक्क्यांपर्यंत, स्प्लिट एसी, मायक्रोवेव्ह आणि चिमणीवर 65 टक्क्यांपर्यंत सूट मिळेल. एवढेच नाही तर स्मार्ट टीव्ही आणि प्रोजेक्टरवर 65 टक्के बंपर सूट मिळत आहे. याशिवाय, कंपनीच्या स्वतःच्या ॲमेझॉन ब्रँडची उत्पादने सेल दरम्यान 80 टक्के सवलतीसह उपलब्ध असतील. इको विथ ॲलेक्सा, फायर टीव्ही स्टिक उत्पादने सेल दरम्यान 45 टक्क्यांपर्यंत सवलतीसह उपलब्ध असतील.