एखादा माणूस अडचणीत सापडला असेल तर त्याची मदत करण्याचे संस्कार आपल्यालवर होतात. लोकांना मदत करावी असं आपले पालक आपल्याला सिकवतात. पण सध्याचा जमाना असा आहे कीाही एखाद्याची मदत करणं हेच खूप महागात पडू शकतं, कधीकधी तर ते जीवावरही बेतू शकतं. असाच एक अत्याच भयानक नुभव अंबाजोगाई येथे तरूणाला आला. वर्षभरापूर्वी एका इसमाला मारहाण होत असताना पीडित इसमाने मध्यस्थी करून त्याला वाचवलं, भांढण सोडवलं. पण तेच त्याला खूप महागात पडलं. कारण त्या इसमाला मारहाण करणाऱ्या आरोपींनी याचा राग मनात ठेवला आणि वर्षभराने बदला घेत, मध्यस्थी करणाऱ्या इसमालाच बेदम मारहाण केली, एवढंच नव्हे र त्याच्यावर तलवारीने हल्ला केला. अंबाजोगाईत घडलेल्या या भयानक घटनेत शशीकांत माने गंभीर जखमी झाला असून, त्याच्या डक्याला गंभीर दुखापत झाली, त्याच्यावर रुग्णालयात उपचार सुरू आहेत. याप्रकरणी आरोपींविरोधात अंबाजोगाई ग्रामीण पोलीस ठाण्यात गुन्हा दाखल करण्यात आला आहे.
काय आहे प्रकरण ?
मिळालेल्या माहितीनुसार, कुंबेफळ येथील रहिवासी परमेश्वर बाबुराव शिंपले (वय ३५) यांचा भाचा कल्याण भास्कर दंडवते याला वर्षभरापूर्वी अंबा साखर कारखान्याजवळ काही जणांनी अडवून मारहाण केली होती. त्यानंतर काही दिवसांनी आरोपी अशोक मुकुंद मोरे याच्या सातेफळ शिवारातील शेताजवळ कल्याण दंडवते याला पुन्हा मारहाण करण्यात येत होती. मात्र तेव्हाच त्याचा मित्र शशीकांत सुधाकर माने हा मध्ये पडला. त्याने मध्यस्थी करून ते भांडण सोडवलं आणि मित्राला वाचवलं.
भलाई का जमानाही नहीं रहा..
मात्र याच गोष्टीचा राग आरोपींच्या मनात होता. याचा बदला घेण्यासाठी पूर्ववैमनस्यातून काल दुपारी आरोपींनी शशिकांतवर हल्ला चढवला. काल साडेचारच्या सुमारास आरोपी अशोक मुकुंद मोरे, सैपान उर्फ सोपियान शेख, किशोर उर्फ कृष्णा मुंडे आणि रितेश चव्हाण यांनी कुंबेफळ येथील जयप्रभा शाळेजवळ शशीकांत माने याला गाठून बॅटने बेदम मारहाण केली. तसेच त्याच्यावर तलवारीने वारही केला. यात शशिकांत गंभीर जखमी झाला, त्याच्या डोक्यालाही जबर दुखापत झाली. सध्या त्याच्यावर रुग्णालयात उपचार सुरू आहेत. तर मारहाण करणाऱ्या आरोपींविरोधात अंबाजोगाई ग्रामीण पोलीस ठाण्यात गुन्हा दाखल करण्यात आला असून पोलीस पुढील तपास करत आहेत.
