தமிழக சட்டசபையில் தற்போதைய முதலமைச்சர் விஜய் அவர்களுக்கும் எதிர்க்கட்சித் தலைவர் உதயநிதி ஸ்டாலினுக்கும் இடையே வார்த்தைப் போர் முற்றியுள்ளது. “சட்டசபையை சினிமா கூடாரமாக மாற்றிவிட்டார் விஜய்” என்று உதயநிதி ஸ்டாலின் கடுமையான விமர்சனத்தை முன்வைத்தார். விஜய் ஒரு சினிமா நடிகர் என்பதால் சட்டசபையை அவர் சினிமா பாணியில் நடத்துகிறார் என்ற ரீதியில் உதயநிதி பேசிய இந்த கருத்து அரசியல் வட்டாரத்தில் பெரும் சலசலப்பை ஏற்படுத்தியது.
இதற்குப் பதிலடி கொடுக்கும் விதமாக, தமிழக வெற்றிக் கழகத்தினர் (தவெக) திமுக ஆட்சியில் நடந்த பழைய சட்டமன்ற சம்பவத்தின் காணொளி ஒன்றை எக்ஸ் (X) தளத்தில் வெளியிட்டு பயங்கரமாக வைரலாக்கி வருகின்றனர். அந்தப் பழைய வீடியோவில், திமுகவைச் சேர்ந்த சட்டமன்ற உறுப்பினர் ஒருவர், உதயநிதி ஸ்டாலினைப் பாராட்டிப் பேசும்போது அவர் நடித்த திரைப்படத்தின் பாடலின் பெயரைச் சொல்லி, அடுக்கு மொழியில் சினிமாத்தனமாகப் பாராட்டிப் பேசியிருப்பார்.
“அன்று சட்டசபையிலேயே உதயநிதி நடித்த சினிமா பாட்டைப் பாடி பாராட்டியது சினிமா இல்லையா? நீங்கள் சட்டமன்றம் நடத்திய லட்சணம் இதுதான்” என்று தவெகவினர் மற்றும் நெட்டிசன்கள் இந்த வீடியோவைப் பகிர்ந்து உதயநிதியை சமூக வலைதளங்களில் வறுத்தெடுத்து தர்மசங்கடத்தில் ஆழ்த்தி வருகின்றனர்.
