தமிழ் சினிமாவில் முன்னணி நாயகனாக வலம் வருபவர் நடிகர் ஆர்யா. இவரது நடிப்பில் தமிழ் சினிமாவில் வெளியாகும் படங்கள் தொடர்ந்து ரசிகர்களிடையே நல்ல வரவேற்பைப் பெற்று வருகின்றது. தொடர்ந்து தமிழ் சினிமாவில் மட்டும் இன்றி தென்னிந்திய மொழிகளிலும் நடிகர் ஆர்யாவின் நடிப்பில் வெளியாகும் படங்கள் ரசிகர்களிடையே கவனத்தை ஈர்த்து வருகின்றது. சினிமாவில் படங்களுக்காக உடல் எடையை கூட்டுவது குறைப்பது மற்றும் தோற்றங்களை மிகவும் மெனக்கெட்டு மாற்றும் நடிகர்களின் எண்ணிக்கை மிகவும் குறைவு. அந்த பட்டியலில் நிச்சயமாக நடிகர் ஆர்யா இருப்பார் என்பது குறிப்பிடத்தக்கது. தொடர்ந்து பிசியான நடிகராக வலம் வரும் நடிகர் ஆர்யாவின் நடிப்பில் இறுதியாக தமிழ் சினிமாவில் மிஸ்டர் எக்ஸ் என்ற படம் வெளியானது. ஸ்பை ஆக்‌ஷன் த்ரில்லர் பாணியில் வெளியான இந்தப் படம் ரசிகர்களிடையே வரவேற்பைப் பெற்றது.

இந்தப் படம் திரையரங்குகளில் ரசிகர்களிடையே கவனத்தை ஈர்த்த நிலையில் தற்போது ஓடிடியிலும் வெளியாகி கவனத்தை பெற்று வருகின்றது. இந்த நிலையில் நடிகர் ஆர்யா நடிப்பில் அடுத்ததாக திரையரங்குகளில் வெளியாக உள்ள படம் அனந்தன் காடு. மலையாள சினிமாவில் உருவான இந்தப் படம் தமிழ் மற்றும் தென்னிந்திய மொழிகளிலும் வெளியாக உள்ளது. இந்தப் படத்தின் வெளியீட்டிற்கு இன்னும் சில நாட்களே உள்ள நிலையில் தொடர்ந்து படத்தின் புரமோஷன் பணிகளில் படக்குழு தீவிரமாக ஈடுபட்டு வருகின்றது. அப்படி படத்தின் புரமோஷனில் இருக்கும் போது நடிகர் ஆர்யா அவன் இவன் படத்தின் போது நடந்த சுவாரஸ்யமான சம்பவத்தை கூறியுள்ளர்.

அவன் இவன் படப்பிடிப்பு தொடங்கி 45 நாட்கள் கடந்த நிலையில், திரையில் விஷாலின் தோற்றம் போதுமான அளவு தனித்துவமாக இல்லை என்று கருதிய இயக்குனர் பாலா, அதுவரை படமாக்கப்பட்ட காட்சிகளை முழுவதுமாக நிராகரித்தார். அதன்பின், படப்பிடிப்பைத் தொடர்வதற்கு முன்னதாக, விஷாலின் பற்கள் மற்றும் கண்கள் உள்ளிட்ட அம்சங்களில் மாற்றங்களைச் செய்து அவரது தோற்றம் புதிதாக வடிவமைக்கப்பட்டது. இன்னும் ஆச்சரியமான விஷயம் என்னவென்றால், படப்பிடிப்பின் 100-வது நாளில்தான் கதையை முழுமையாக இறுதி செய்ததாக பாலாவின் உதவி இயக்குநர்களில் ஒருவர் எங்களிடம் கூறினார் என்றும் அவர் தெரிவித்துள்ளார். இது தற்போது இணையத்தில் வைரலாகி வருகின்றது.

Also Read… Trisha: எல்லாவற்றையும் அர்த்தமுள்ளதாக்கும் நபருக்கு.. முதல்வர் விஜய்க்கு பிறந்தநாள் வாழ்த்தை தெரிவித்த நடிகை திரிஷா!

#Arya about his Avan Ivan experience:

“After 45 days of shooting for Avan Ivan , director Bala scrapped the entire footage because Vishal wasn’t looking distinct enough on screen. The team then redesigned Vishal’s look, including changes to his teeth and eyes, before resuming… pic.twitter.com/C6dsjUYrMi

— FilmyBowl Tamil (@FilmyBowlTamil) June 23, 2026

Also Read… Vikram Prabhu: ரத்த கதையின் தொடக்கம்… அறிமுக இயக்குநரின் இயக்கத்தில் புது படத்தில் இணைந்த விக்ரம் பிரபு!