மதுரை மாநகராட்சியில் தூய்மைப் பணி செய்து வரும் தனியார் ஒப்பந்த நிறுவனம், குப்பைகளுக்குப் பதிலாக மணலை ஏற்றி வந்து எடைக் கணக்கு காட்டி கோடிக்கணக்கில் மோசடி செய்துள்ள அதிர்ச்சித் தகவல் தற்போது அம்பலமாகியுள்ளது. முந்தைய திமுக ஆட்சிக் காலத்தில் கொண்டு வரப்பட்ட இந்த ஒப்பந்த முறையைப் பயன்படுத்தி, அந்த நிறுவனம் மாபெரும் தில்லுமுல்லு வேலைகளில் ஈடுபட்டு வந்ததாகக் குற்றச்சாட்டுகள் எழுந்துள்ளன. மதுரையில் நடந்த அனைத்துத் துறை ஆய்வுக் கூட்டத்திற்குப் பிறகு செய்தியாளர்களைச் சந்தித்த அமைச்சர் நிர்மல்குமார், இந்த மெகா முறைகேடு ஆய்வில் கண்டுபிடிக்கப்பட்டுள்ளதாக அதிகாரப்பூர்வமாக அறிவித்துள்ளார்.
இந்த விவகாரத்தை மிகத் தீவிரமாகக் கையில் எடுத்துள்ள அரசு, முறைகேட்டில் ஈடுபட்ட அந்தத் தனியார் நிறுவனம் மீது உடனடியாகப் புகார் அளித்து, கடுமையான பிரிவுகளில் வழக்குப்பதிவு செய்ய உத்தரவிட்டுள்ளது. கழிவு மேலாண்மைத் திட்டத்தைத் தனியாரிடம் கொடுத்தாலும், முந்தைய ஆட்சியில் நடந்தது போன்ற ஊழல்களையும் தில்லுமுல்லுகளையும் சாதாரணமாக விட்டுவிட முடியாது என்று அமைச்சர் எச்சரித்துள்ளார். இந்த அதிரடி ஆக்ஷன் மற்றும் விசாரணை உத்தரவு, ஒட்டுமொத்த உள்ளாட்சித் துறை வட்டாரத்திலும், சோஷியல் மீடியாவிலும் மாபெரும் விவாதத்தைக் கிளப்பியுள்ளது.
