Gas Cylinder New Rules : गॅस सिलिंडरचा वापर करणाऱ्या नागरिकांना तसेच व्यावसायिकांना लवकर गॅस सिलिंडर मिळावा आणि गॅस सिलिंडरचे वितरण सोपे आणि सहज कसे होईल, यासाठी नेहमीच वेगवेगळे प्रयत्न केले जाता. इराण-अमेरिका युद्धामुळे गेल्या काही महिन्यात गॅस सिलिंडरच्या पुरवठा साखळीवर परिणाम झाला. गॅस सिलिंडरचा भावही वाढला. बुकिंग करूनही लोकांना कित्येक दिवस गॅस सिलिंडर मिळत नव्हता. आता पुरवठा साखळी सुरळीत झाली आहे. दरम्यान, आता याच गॅस सिलिंडरच्या पुरवठ्याबाबत मोठा निर्णय घेतला जाणार आहे. हा निर्णय अमलात आला तर छोटा-मोठा व्यवसाय करणाऱ्या सामान्यांच्या डोक्याचे टेन्शनच मिटू शकते.

मिळालेल्या माहितीनुसार लवकरच छोटे व्यावसायिक, स्ट्रिट फूड विक्रेते, विद्यार्थी, भाड्याने राहणारे लोक, प्रवासी मजूर यांच्यासाठी स्वयंपाकासाठी गॅस खरेदी करणे आणखी सोपे होणार आहे. कारण इंडियन ऑइल (IOC), भारत पेट्रोलियम (BPCL) आणि हिंदुस्तान पेट्रोलियम (HPCL) या शासकीय कंपन्या लवकच 10 किलो वजन असणारा गॅस सिलिंडर लॉन्च करण्याची शक्यता आहे. या निर्णयाचा फायदा घरगुती गॅस सिलिंडर वापरणारे तसेच व्यावसायिक सिलिंडर वापरणारे अशा दोघांनाही होणार आहे. या प्रस्तावास मंजुरी मिळाल्यास देशातील लाखो लोकांना याचा फायदा मिळेल. अनेकांना 19 किलोचा व्यावसायिक गॅस सिलिंडर वाहून नेण्यास अनेक अडचणी येतात.

सध्या बाजारात 19 किलो, 5 किलो, 2 किलो अशा प्रकारात व्यावसायिक गॅस सिलिंडर अपलब्ध आहेत. यातील 19 किलोचा गॅस सिलिंडर वजनाने खूप जड असतो. त्यामुळे अनेकांना वेगवेगळ्या अडचणींचा सामना करावा लागतो. म्हणूनच चहाची दुकाने, चोटे फूड स्टॉल, विद्यार्थी, भाड्याने राहणारे लोक छोट्या आणि कमी वजनाच्या गॅस सिलिंडरची मागणी करत होते. त्यामुळे आता 10 किलोचे कम्पोझिट गॅस सिलिंडर लॉन्च करण्यावर विचार केला जातोय.

मिळालेल्या माहितीनुसार हा नवा सिलिंडर हाय डेनसिटी पॉलिएथिलीनपासून तयार करण्यात येईल. पारंपरिक गॅस सिलिंडरच्या तुलनेत हा नवा गॅस सिलिंडर 50 टक्क्यांनी हालका असेल. त्याचा फायदा अनेकांना होईल.