पण, त्याचे जाणे भारताला 'हर्ट' करणारे ठरले, कारण त्यानंतर श्रेयसही ३५ धावांवर रन आऊट झाला. हॅरी ब्रूकच्या भन्नाट थ्रोने त्याला माघारी पाठवले. त्यानंतर लोकेश राहुल ( १) बाहेरचा चेंडू मारण्याच्या प्रयत्नात त्रिफळाचीत झाला. चेंडू त्याच्या बॅटला लागून यष्टींवर आदळला. पटापट विकेट गेल्यने सामन्यात चुरस निर्माण केली खरी, परंतु ४ विकेट्स घेणाऱ्या अक्षर पटेलने फलंदाजीतही कमाल दाखवली. त्याच्यासोबतीला वॉशिंग्टन सुंदर उभा राहिला.

अक्षर-वॉशिंग्टनच्या अर्धशतकांनी टीम इंडियाच्या विजयाच्या आशा पुन्हा पल्लवीत केल्या. आर्चरच्या शेवटच्या षटकात ही जोडी तुटेल अशी अपेक्षाही फोल ठरली. आर्चरने १०-०-६०-१ अशी स्पेल संपवली. अक्षरने अर्धशतक पूर्ण करताना भारताला विजयाच्या आणखी जवळ आणले. अक्षर व वॉशिंग्टन यांनीही नाबाद १०२ धावांची भागीदारी करताना भारताला ६ विकेट्सने विजय मिळवून दिला आणि मालिकेत १-० अशी आघाडी घेतली. अक्षरने ५२ चेंडूंत ५ चौकार व १ षटकारासह ५७ आणि वॉशिंग्टनने ६३ चेंडूंत ४ चौकार व १ षटकारासह ५२ धावांची नाबाद खेळी केली. भारताने ४५.२ षटकांत ४ बाद २६२ धावा करून सामना संपवला.

तत्पूर्वी, बेन डकेट ( ४३)च्या दमदार सुरुवातीनंतर जो रूट ( नाबाद ७६) व लिएम डॉसन ( ६८) यांच्या खेळीने इंग्लंडला २५८ धावांचा सन्मानजनक पल्ला गाठून दिला होता. बिनबाद ६१ वरून ५ बाद ८० अशी दयनीय अवस्था केली. गुरनूर ब्रार व प्रसिद्ध कृष्णा यांनी त्यांच्या एका षटकात प्रत्येकी दोन विकेट्स घेतल्या.पण, रूट व डॉसन यांनी सातव्या विकेटसाठी १२१ धावा जोडल्या. मात्र, अक्षर पटेलने ४ विकेट्स घेताना इंग्लंडला ४७.५ षटकांत २५८ धावांत गुंडाळले.