परभणी जिल्ह्यामध्ये सकाळपासूनच दमदार पावसाची हजेरी शेतकऱ्यांना दिलासा

परभणी जिल्ह्यात रात्रीपासून रिमझिम पावसाने हजरी लावली होती मात्र सकाळपासून परभणी जिल्ह्यामध्ये दमदार पावसाने हजेरी लावलेली आहे त्यामुळे दमदार पावसाच्या प्रतीक्षात असलेल्या शेतकऱ्यांना आता दिलासा मिळाला आहे कारण शेतकऱ्यांनी पेरणी केल्यानंतर शेतकऱ्यांना दमदार पावसाची प्रतीक्षा होती अखेर दमदार पावसाने हजेरी लावल्याने शेतकऱ्यांना दिलासा मिळाला आहे

पुणे जिल्ह्यात ड्रोन उडवण्यासाठी पोलिस परवानगी लागणार

पुणे जिल्ह्यात ड्रोन उडवण्यासाठी पोलिस परवानगी लागणार

ड्रोन कॅमेराद्वारे चित्रीकरणास प्रतिबंध आदेश

लोकसभेचं कामकाज २ वाजेपर्यंत तहकूब माळीण दुर्घटनेला १२ वर्षे जखमा अजूनही ताज्याच

पुणे जिल्ह्यातील आंबेगाव तालुक्यातील माळीण दुर्घटनेला आज बारा वर्षे पूर्ण झाली. ३० जुलै २०१४ रोजी डोंगराची प्रचंड दरड कोसळून संपूर्ण गाव मातीखाली गाडले गेले आणि १५१ जणांचा दुर्दैवी मृत्यू झाला. बारा वर्षांनंतरही त्या काळजाचा ठाव घेणाऱ्या आठवणी आजही ताज्याच आहेत.

Gadchiroli : दिना नदीला पूर; आष्टी–आलापल्ली- सिरोंचा राष्ट्रीय महामार्ग बंद

गडचिरोली जिल्ह्यात सुरू असलेल्या मुसळधार पावसामुळे दिना नदीला पूर आला असून आष्टी–आलापल्ली–सिरोंचा राष्ट्रीय महामार्गावरील वाहतूक पूर्णपणे बंद करण्यात आली आहे. त्यामुळे जिल्हा मुख्यालयाशी दक्षिण गडचिरोलीतील तब्बल पाच तालुक्यांचा संपर्क तुटला आहे.

रायगड पोलिस दलातील ऑस्कर श्वान काळाच्या पडद्याआड

रायगड पोलीस दलात उल्लेखनीय कामगिरी करणाऱ्या ऑस्कर नावाच्या श्वान चा काल दिर्घ आजाराने मृत्यू झाला आहे. रायगड पोलिसांच्या अनेक मोहिमेत या श्वानाचे महत्वपूर्ण योगदान होते. ऑस्करने 194 वेगवेगळ्या गुन्हे तपासात यशस्वी कामगिरी करून रायगड पोलिसांना मदत केली होती. मृत्यूनंतर रायगडच्या अलिबाग येथील पोलिस परेड मैदानावर पोलिस दलाकडून मानवंदना दिल्यानंतर ऑस्करवर अंत्यसंस्कार करण्यात आले.

भाजप नेते विजय चौधरी यांचा उत्तर महाराष्ट्र संयोजक पदाचा राजीनामा

भाजप नेते विजय चौधरी यांचा उत्तर महाराष्ट्र संयोजक पदाचा राजीनामा...

विरोधकांनी बनावट क्लिप व्हायरल करून षड्यंत्र रचल्याचा विजय चौधरींचा थेट आरोप...

माझ्यावरील आरोपांची वरिष्ठ पदाधिकाऱ्यांमार्फत चौकशी करा.विजय चौधरी यांची मागणी

Bhandara : मध्यरात्रीच्या पावसानंतर साकोली तालुक्यातील सेंदुरवाफा - लवारी मार्गावरील पुलावर पाणी

भंडारा जिल्ह्यात मध्यरात्री सर्वदूर पावसानं जोरदार हजेरी लावली. साकोली तालुक्यातही मुसळधार पावसानं जनजीवन विस्कळीत झालं. साकोली तालुक्यातील चुलबंद नदी दुथडी भरून वाहू लागल्यानं सेंदुरवाफा ते लवारी या दोन गावांना जोडणाऱ्या नदीच्या पुलावर पाणी आहे.

वारणा आणि कृष्णा नदी दुथडी भरून वाहू लागल्या,नदी काठच्या गावांना सतर्कतेचा इशारा

सांगली जिल्ह्यात पावसाची रिमझिम सुरूच आहे.तर कृष्णा आणि वारणा नदी पाणलोट क्षेत्रामध्ये पावसाचा जोर कायम आहे.त्यामुळे नद्यांच्या पाणी पातळीत आता वाढ झाली आहेत.वारणा नदीमध्ये चांदोली धरणातून सोडण्यात येणारे पाणी आणि पडणारा पाऊस यामुळे वारणा नदीच्या पाणी पातळी झपाट्याने वाढ झाली आहे.तर दुसऱ्या बाजूला कृष्णा नदीच्या पाणी पातळी देखील हळूहळू वाढ होत आहे,कोयना धरणातून देखील पाण्याचा विसर्ग करण्यात येत आहे.त्यामुळे कृष्णा आणि वारणा नद्यांच्या पाणी पातळीमध्ये वाढ कायम आहे. त्यामुळे हरिपूर येथील संगमावर दोन्ही नद्यांचा पात्र विस्तीर्ण बनले आहे,दुथडी भरून दोन्ही नद्या वाहू लागल्याचे चित्र पाहायला मिळत आहे,त्यामुळे वारणा आणि कृष्णा नदीकाठच्या गावांना प्रशासनाकडून सतर्कतेचा इशारा देण्यात आला आहे.

पुण्यात संगमवाडी पार्किंग क्रमांक तीन जवळ एक कारचा अपघात

गाडीमध्ये दोन इसम अडकले होते, गाडीच्या धडकेने झाड खोडासकट तुटून फूटपाथवर पडले.

रस्त्यावरून जाणाऱ्या नागरिकांनी व कारचालकांनी एका इसमास बाहेर काढले,पोलिसांच्या नागरिकांच्या व येरवडा अग्निशमन केंद्र व कसबा अग्निशमन केंद्राच्या मदतीने स्टेरिंग व दरवाजामध्ये ड्रायव्हरचा पाय अडकला होता.

मॅन्युअल स्प्रेडर,रोपच्या साह्याने सदर व्यक्तीचा पाय सुखरूप बाहेर काढून जखमी व्यक्तीस पोलिसांच्या ताब्यात दिले.

नंदुरबार शहरात माकडाचा धुमाकूळ....

नंदुरबार शहरात गेल्या अनेक दिवसांपासून एका माकडाच्या दहशतीने नागरिक त्रस्त झाले आहेत. या माकडाने केलेल्या हल्ल्यात एकलव्य विद्यालयातील एक शिक्षक आणि कमला नेहरू विद्यालयातील तीन विद्यार्थी जखमी झाले आहेत. या पार्श्वभूमीवर सुरक्षेचा उपाय म्हणून संबंधित शाळांना सुट्टी जाहीर करण्यात आली आहे. माकड नागरिकांवर अचानक हल्ले करत असून वस्तू हिसकावून घेत आहे. वन विभागाचे पथक माकडाला पकडण्याचा प्रयत्न करत आहे, परंतु प्रशिक्षित कर्मचाऱ्यांअभावी माकड हुलकावणी देत असल्याचा आरोप स्थानिकांनी केला आहे.

छत्रपती संभाजीनगर : अन्न व औषध प्रशासनात कर्मचाऱ्यांचा आयुक्तांविरोधात एल्गार

छत्रपती संभाजीनगर येथील अन्न व औषध प्रशासन प्रयोगशाळेतील २९ अधिकारी आणि कर्मचाऱ्यांनी अन्न व औषध प्रशासन मंत्री नरहरी झिरवळ यांच्याकडे थेट निवेदन देत आयुक्त तुकाराम मुंडे यांच्या कार्यपद्धतीविरोधात गंभीर तक्रार केली आहे. या निवेदनात आयुक्तांच्या आदेशानंतर प्रयोगशाळेत दोन शिफ्टमध्ये काम सुरू करण्यात आल्याचा, प्रत्येक शनिवारी अनिवार्य उपस्थिती लावण्यात आल्याचा, तसेच पूर्वपरवानगीशिवाय रजा नाकारली जात असल्याचा आरोप करण्यात आला आहे.

लालपुलिया परिसरात रस्त्यावर उभ्या ट्रकांमुळे वाहतूक विस्कळीत

यवतमाळच्या वणीतील लालपुलिया परिसरात भर रस्त्यावर अवजड ट्रक उभे राहत असल्याने वाहतुकीस सातत्याने अडथळा निर्माण होत आहे.यामुळे नागरिकांना मोठा त्रास सहन करावा लागत असून अपघाताचा धोका वाढला आहे.संबंधित विभागाने तातडीने कारवाई करून रस्ता मोकळा करावा,अशी नागरिकांची मागणी आहे.

उल्हासनगर महापालिकेच्या ६५ लाखांच्या गुवाहाटी दौऱ्यावरून वाद

उल्हासनगर महापालिकेच्या नगरसेवकांचा गुवाहाटी अभ्यास दौरा सध्या वादाच्या केंद्रस्थानी आला आहे. शहरात रस्ते, पाणी, सांडपाणी आणि आर्थिक अडचणींचे प्रश्न कायम असताना तब्बल ६५ लाख रुपयांचा खर्च करून नगरसेवक प्रशिक्षणासाठी गुवाहाटीला गेल्याने नागरिकांमधून आणि विरोधकांकडून टीका होत आहे.

विशेष वाहतूक आणि पॉवर ब्लॉक घेण्या

मध्य रेल्वेच्या पुणे विभागातर्फे पुणे यार्ड (पुणे-दौंड विभाग) येथे रविवारी, (दि. २) सकाळी ८ ते संध्याकाळी ५ वाजेपर्यंत नऊ तासांचा विशेष वाहतूक आणि पॉवर ब्लॉक घेण्यात येणार आहे.

यामुळे पुणे- लोणावळा लोकल आणि मुंबईकडे जाणारी रेल्वे सेवा मोठ्या प्रमाणावर विस्कळीत होईल. ब्लॉक काळात यार्डमधील जुने पॉईंट बदलणे आणि ५२ किलो क्षमतेचे लेआउट ६० किलो क्षमतेमध्ये श्रेणी सुधारित करण्याचे काम या काळात केले जाईल.

या ब्लॉकमुळे प्लॅटफॉर्म क्रमांक १, यूपी मेन लाईन आणि लाईन क्र. १ ते ६ वरील रेल्वे वाहतूक पूर्णपणे बंद राहील. परिणामी अनेक गाड्या रद्द करण्यात आल्या असून, काही गाड्या कमी अंतरावर थांबवल्या किंवा सुरू केल्या जातील. यामुळे प्रवाशांनी वेळापत्रकातील बदलांची नोंद घ्यावी, असे आवाहन पुणे रेल्वे प्रशासनाने केले आहे.

भूम नगरपालिकेच्या मुख्याधिकारी शैला डाके यांना नगरसेवकापासून जीविताला धोका

धाराशिवच्या भुम नगर परिषदेच्या मुख्याधिकारी शैला डाके यांच्या जीविताला नगरसेवकापासूनच धोका असल्याचं पत्र धाराशिव चे जिल्हाधिकारी डॉ.कीर्ती किरण पुजार यांनी पोलीस अधीक्षक रितू खोकर यांना दिल्याने धाराशिव जिल्ह्यात एकच खळबळ उडाली आहे.

Maharashtra News Live Update: 31 जुलैला नाशिक जिल्ह्याच्या दक्षिण भागात मुसळधार पावसाचा इशारा, भारतीय हवामान विभागाचा अंदाज

- जिल्हाधिकारी आयुष प्रसाद यांचे सर्व यंत्रणांना सतर्क राहून आपत्कालीन नियोजन पूर्ण ठेवण्याचे निर्देश

- संभाव्य पूरस्थिती टाळण्यासाठी धरणांमध्ये आवश्यक बफर साठा राखण्याच्या सूचना

- पूर नियंत्रण कक्षाला धरणांतील पाणीसाठ्यावर सातत्याने लक्ष ठेवून वेळेवर नियोजन करण्याचे आदेश

- कमी उंचीच्या पूलांवर पाणी वाढल्यास तातडीने वाहतूक नियंत्रणाची उपाययोजना करण्याचे निर्देश

- शहर आणि ग्रामीण भागातील नाले, सांडपाणी वाहिन्यांतील प्लास्टिक तसच अन्य अडथळे तातडीने हटवण्याचे आदेश

मालेगावात घरफोडी; साडेचार लाखांचा ऐवज लंपास

वाशिमच्या मालेगाव शहरातील संतोषी माता कॉलनी परिसरात अज्ञात चोरट्यांनी घरफोडी करून तब्बल ४ लाख ७ हजार ४३६ रुपयांचा सोन्याचे दागिने व रोख रक्कम असा ऐवज लंपास केल्याची घटना सकाळी समोर आलीये,मिश्रा कुटुंब रात्री घरात झोपले असताना अज्ञात चोरट्यांनी घराच्या खिडकीचे ग्रील तोडून घरात प्रवेश केला. घरातील दिवाणामधील लोखंडी पेटीत ठेवलेले ४४ ग्रॅम वजनाचा सोन्याचा हार व कानातील जोड, ३९ ग्रॅम वजनाचा लांब पाठी हार, चार काळ्या मण्यांचे दागिने तसेच ४५ हजार रुपये रोख, असा एकूण ४ लाख ७ हजार ४३६ रुपयांचा मुद्देमाल चोरट्यांनी लंपास केला.

गडचिरोली, चामोर्शी आणि सिरोंचा तालुक्यात आज शाळा, महाविद्यालये व अंगणवाड्यांना सुट्टी

गडचिरोली जिल्ह्यात पहाटेपासून सुरू असलेल्या मुसळधार पावसाच्या पार्श्वभूमीवर गडचिरोली, चामोर्शी आणि सिरोंचा या तालुक्यांतील सर्व शाळा, महाविद्यालये आणि अंगणवाड्यांना आज सुट्टी जाहीर करण्यात आली आहे.

LPG गॅस वाहतूक करणाऱ्या टँकर मधून गॅस चोरून काळा बाजार करणार रॅकेट पकडलं.

बुलढाणा जिल्ह्यातून जाणाऱ्या राष्ट्रीय महामार्ग क्रमांक 56 वर खामगाव शहरा नजीक सुदर्शन हॉटेल शेजारी असलेल्या एका पडक्या घरात महामार्गावरून एलपीजी गॅस वाहतूक करणाऱ्या टँकर मधून गॅसची चोरी करताना अन्न व पुरवठा विभागाच्या राज्यस्तरीय दक्षता पथकाने छापा टाकून टँकर मधून एलपीजी गॅसची चोरी होताना रंगेहात पकडले आहे. याप्रकरणी राज्यदक्षता पथकाला या अशाप्रकारे गॅस चोरीच परिसरात मोठ रॅकेट सक्रिय असल्याचा संशय आहे विशेष म्हणजे बुलढाणा जिल्हा पुरवठा विभागाच्या नाकावर टिच्चून हा गॅस चोरीचा व काळ्या बाजाराचा अवैध धंदा अनेक वर्षांपासून सुरू होता.

१ ऑगस्टपासून महिलांसाठी एनसीएमसी कार्ड सक्तीचे?

महाराष्ट्र राज्य मार्ग परिवहन महामंडळाच्या एसटी प्रवासासाठी महिलांना एनसीएमसी (NCMC) कार्ड अनिवार्य होणार असल्याच्या चर्चेमुळे विठ्ठलवाडी एसटी आगारात महिला प्रवाशांची मोठी गर्दी होत आहे. कार्ड नोंदणीसाठी केवळ एका कर्मचाऱ्याची नियुक्ती करण्यात आल्याने आगारात गोंधळाचे वातावरण निर्माण झाले आहे. काही दिवस कार्ड तयार करणारी मशीन बंद असल्याने अनेक महिलांना परत जावे लागल्याची तक्रार आहे. तसेच, नोंदणी प्रक्रिया सायंकाळी पाच वाजेपर्यंतच होत असल्याने अनेकांना निराश होऊन घरी परतावे लागत आहे. १ ऑगस्टपासून एनसीएमसी कार्ड नसल्यास पूर्ण तिकीट आकारले जाईल, अशी माहिती सोशल मीडियावर व्हायरल होत असली तरी एसटी प्रशासनाने अद्याप अधिकृत स्पष्टीकरण दिलेले नाही. त्यामुळे प्रशासनाने तातडीने भूमिका स्पष्ट करण्याची मागणी होत आहे.

पुण्याला पाणीपुरवठा करणाऱ्या चार ही धरणांमध्ये गेल्या वर्षी पेक्षा ६ टक्के जास्त पाणीसाठा

सततच्या संतधार पावसामुळे धरणातील पाणीसाठ्यात वाढ

धरण पाणलोट क्षेत्रात झालेल्या पावसामुळे पुणेकरांची चिंता मिटली

खडकवासला १०० टक्के तर पानशेत ९८ टक्के भरले

गेल्या वर्षी आजच्या तारखेला एकूण पाणीसाठा ८८ टक्के होता मात्र यंदा तो ९४ टक्क्यांवर

खडकवासला: १०० टक्के

पानशेत: ९८.३८ टक्के

वरसगाव: ९३.४९ टक्के

टेमघर: ८१.६९ टक्के

एकूण पाणीसाठा: ९४.२२ टक्के