IND vs SL 1st T20: टीम इंडियाच्या श्रीलंका दौऱ्याला आजपासून सुरुवात होत आहे. नवीन प्रशिक्षक गौतम गंभीर यांच्या मार्गदर्शनाखालील ही पहिलीच मालिका असणार आहे. या मालिकेतील पहिला T20 सामना आज पल्लेकेले येथील पल्लेकेले आंतरराष्ट्रीय क्रिकेट स्टेडियमवर खेळवला जाणार आहे. रोहित शर्मा आणि विराट कोहली यांनी T20 आंतरराष्ट्रीय क्रिकेटमधून निवृत्ती घेतल्यानंतर आता नव्या युगाची सुरुवात होत आहे. या मालिकेत सूर्यकुमार यादव टीम इंडियाचे नेतृत्व करणार आहे. तर श्रीलंकेचा कर्णधार चारिथ असालंका असेल. दोन्ही संघ नव्या कर्णधारांसह मालिकेत उतरणार आहेत. या मालिकेतील पहिला सामना किती वाजता सुरु होणार? कुठे पाहता येणार ते जाणून घेऊयात.

सामना किती वाजता सुरु होणार?

भारत आणि श्रीलंका यांच्यातील पहिला T20 सामना स्थानिक वेळेनुसार संध्याकाळी 7 वाजता सुरू होईल. भारत आणि श्रीलंकेचा वेळ सारखाच आहे. त्यामुळे भारतातही हा सामना 7 वाजता सुरू होईल. सामन्याच्या आधी अर्धा तास टॉस होणार आहे.

सामना कुठे पाहता येणार?
भारत आणि श्रीलंका यांच्यातील मालिकेचे प्रसारण हक्क सोनी स्पोर्ट्स नेटवर्ककडे आहेत. त्यामुळे हा सामना सोनी स्पोर्ट्स वाहिनीवर पाहता येणार आहे. तसेच या सामन्याते लाईव्ह स्ट्रीमिंग SonyLIV ॲपवर केले जाणार आहे. या ॲपद्वारे तुम्ही मोबाईलवर या सामन्याचा आनंद घेऊ शकता. मात्र हा सामना पाहण्यासाठी तुम्हाला पैसे मोजावे लागणार आहेत.

हेड टू हेड रेकॉर्ड

भारत आणि श्रीलंका यांच्यात एकूण 29 T20 सामने खेळले गेले आहेत. .यात टीम इंडियाचा दबदबा पहायला मिळत आहे. टीम इंडियाने 29 पैकी 19 सामने जिंकले असून श्रीलंकेने केवळ 9 सामने जिंकले आहेत. दोन्ही संघांमधील एका सामन्याचा निकाल लागलेला नाही.

भारतीय संघ पुढीलप्रमाणे

सूर्यकुमार यादव (कर्णधार), शुभमन गिल, यशस्वी जैस्वाल, रिंकू सिंग, रियान पराग, ऋषभ पंत (यष्टीरक्षक), संजू सॅमसन (यष्टीरक्षक), हार्दिक पांड्या, शिवम दुबे, अक्षर पटेल, वॉशिंग्टन सुंदर, रवी बिश्नोई, अरविदीप सिंग, खलील अहमद, मोहम्मद सिराज.

श्रीलंकेचा संघ पुढीलप्रमाणे

चरित असलंका (कर्णधार), दिनेश चंडीमल, अविष्का फर्नांडो, कुसल मेंडिस (विकेटकीपर), पाथुम निसांका, कुसल परेरा, वानिंदू हसरंगा, कामिंदू मेंडिस, दासुन शनाका, चामिंडू विक्रमसिंघे, बिनारु फर्नांडो, असिथा फर्नांडो, दिलशान मदुशंका, मथीशा पथिराना, महेश तीक्षाना, दुनिथ वेलालगे.