महाराष्ट्रात आगामी विधानसभा निवडणुकीची चर्चा सुरू असताना राजकीय हालचालींनाही वेग आला आहे. नुकत्याच झालेल्या अर्थसंकल्पीय अधिवेशनात मुख्यमंत्री एकनाथ शिंदे यांनी राज्यातील जनतेसाठी अनेक मोठ्या घोषणा केल्या. दरम्यान, महाराष्ट्र मंत्रिमंडळाचा विस्तार पुढील आठवड्यात होऊ शकतो, असे शिंदे गटाचे शिवसेना नेते संजय शिरसाट यांनी शुक्रवारी सांगितले.

तसेच 2022 मध्ये एकनाथ शिंदे यांच्या नेतृत्वाखालील सरकार स्थापन करताना त्यांच्या आमदारांनी केलेल्या बलिदानामुळे त्यांच्या पक्षाला अधिक मंत्रीपदे मिळावीत, असेही ते म्हणाले.

शिंदे, अजित पवार आणि फडणवीस यांच्यात बैठक झाली-

शिंदे गटाचे नेते शिरसाट म्हणाले की, मुख्यमंत्री एकनाथ शिंदे, उपमुख्यमंत्री अजित पवार आणि देवेंद्र फडणवीस यांची गुरुवारी बैठक झाली. बैठकीत मंत्रिमंडळ विस्तारावर चर्चा झाली असावी.

शिंदे गटाचे शिवसेनेचे छत्रपती संभाजीनगरचे आमदार शिरसाट म्हणाले की, 'मंत्रिमंडळ विस्तार झाला पाहिजे आणि तो पुढील आठवड्यात होऊ शकतो.' शिरसाट स्वतः मंत्री होण्याची इच्छा व्यक्त करीत आहे आणि त्यांनी यापूर्वीही हे जाहीरपणे सांगितले आहे.