Relationship Tips: दोन व्यक्ती जेव्हा एकत्र नव्या आयुष्याची सुरुवात करतात तेव्हा ते सुंदर आयुष्याचं एक स्वप्न बघत असतात. पण काही चुकांमुळे नात्यांमध्ये दुरावा येतो आणि नाती तुटतात. नात्यामध्ये रुसवे - फुगवे, लुटुपुटुची भांडणे होणं काही नवीन नाही. पण काही वेळा टोकाचे वाद होतात आणि नाते तुटते. नाती कोणत्या कारणामुळे तुटतात आणि नात्यांना वाचवण्यासाठी काय करायला हवे, ते जाणून घेऊयात. (Tips For Long Distance Relationship)

नाते टिकवण्यासाठी टाळा या 5 चुकानाते जपण्यासाठी आपण काही गोष्टींकडे लक्ष देणं आवश्यक आहे. नाते टिकवण्यासाठी विशेषतः लाँग डिस्टन्स रिलेशनशीपमध्ये कोणत्या 5 चुका टाळायला हव्या, ते जाणून घेऊयात.

संवाद
कोणतेही नाते बहरण्यासाठी संवाद खूप महत्त्वाचा असतो. नाते नवीन असताना दोघे जण एकमेकांसोबत सगळ्या गोष्टी शेअर करतात. पण कालांतराने नात्यामधला संवाद कमी होत जातो. त्यामुळे नात्यात दुरावा निर्माण होतो. नाते जपायचे असेल तर संवाद महत्त्वाचा आहे, हे लक्षात ठेवा.


सन्मान
प्रेम आणि सन्मान या दोन गोष्टींच्या पायावर नात्याचा मनोरा उभा असतो. जर एखाद्या नात्यामध्ये दोघे जण एकमेकांना मान देत नसतील तर त्यांचं प्रेमदेखील हळुहळू कमी होत जातं. जर आपला पार्टनर आपल्याला किंमत देत नाही, आपला मान ठेवत नाही, असे जाणवले तर व्यक्ती ते नाते संपवण्याचा विचार करु लागते.


आर्थिक स्थिती
पुर्वीच्या काळी नात्यात फक्त प्रेमाचा विचार व्हायचा पण आता प्रेमाची जागा पैशांनी घेतली आहे. वाढती महागाई आणि बदलती लाईफस्टाईल यामुळे प्रत्येक जण नात्यामध्ये आर्थिक स्थितीचाही विचार करत आहे. तुमचं नातं आर्थिकदृष्ट्या मजबूत नसेल तर ते तुटायला वेळ लागत नाही.


विश्वास
कोणत्याही नात्यामध्ये विश्वास खूप महत्त्वाचा आहे. विश्वासामुळे माणसं एकमेकांशी जोडली जातात. जेव्हा दोन व्यक्ती एकमेकांवर विश्वास ठेवायला लागतात तेव्हा ते एकमेकांसमोर आपल्या भावना मोकळेपणाने व्यक्त करतात. नात्यामध्ये विश्वास नसेल तर संशय वाढतो. ईर्ष्या निर्माण होते. नात्यामध्ये विश्वास नसेल तर भांडणं सुरु होतात.


राग
अनेकदा लोक ऑफिसमधल्या गोष्टींचा राग आपल्या पार्टनरवर काढतात. त्यामुळे कपल्सची भांडणे होतात. सतत असं रागात बोलल्यामुळे आणि वैतागल्यामुळे पार्टनरला दुःख होतं. त्यामुळे नाते संपवण्याचा विचार पार्टनरच्या मनात येतो. त्यामुळे स्वतःच्या रागावर नियंत्रण ठेवण्याचा प्रयत्न करा. ऑफिसमधल्या गोष्टींचा राग पार्टनरवर काढू नका.

(Disclaimer - या लेखातील माहिती सर्वसामान्य गृहीतकांवर आधारित आहे. या लेखातील माहितीसंदर्भात Times Now Marathi कोणताही दावा करत नाही. )