Bigg Boss Marathi Season 5 : जुलै महिन्यांत सुरु झालेला बिग बॉस मराठीच्या (Bigg Boss Marathi Season 5) खेळाचे आता 50हून अधिक दिवस झाले आहेत. शंभर दिवसांच्या या खेळात आता बरीच रंगत येऊ लागली असून आता फक्त 50 दिवसच राहिले असल्याचं पाहायला मिळतंय. दरम्यान पाचव्या सीझनचा (Bigg Boss Marathi New Season) विनर कोण होणार याची उत्सुकता प्रेक्षकांना लागून राहिलीये.
नुकतच सोशल मीडियावर व्हायरल होणाऱ्या एका पोस्टमुळे बिग बॉस मराठीचा ग्रँड फिनाले कधी पार पडणार याविषयी चर्चा रंगू लागली आहे. पण विशेष म्हणजे बिग बॉस मराठी हा खेळ 28 जुलैपासून सुरु झाला. जर या कार्यक्रमाचा 6 ऑक्टोबर रोजी फायनल एपिसोड झाला तर फक्त 70 दिवसांचा हा खेळ होतो. त्यामुळे 100 दिवसांचा हा खेळ मेकर्सनी 70 दिवसांतच आटोपण्याचा निर्णय घेतला असल्याच्या चर्चा सध्या सुरु आहेत.
सोशल मीडियावर व्हायरल होणाऱ्या पोस्टमध्ये म्हटलंय की, बिग बॉस मराठी सीझन 5ची फायनल 6 ऑक्टोबर रोजी होणार आहे. यावर अनेकांनी कमेंट्स त्यांना फायनलमध्ये कोणाला पाहायला आवडेल त्यांची नावं कमेंट्समध्ये टाकली आहेत.
प्रेक्षकांनी यावर कमेंट्स करत अभिजीत सावंत, अंकिता प्रभू-वालावलकर, धनंजय पोवार यांना फायनलमध्ये पाहायला आवडेल अशा कमेंट्स केल्या आहेत. पण सूरज, पॅडी दादा, जान्हवी यांच्या नावाविषयी मात्र प्रेक्षकांमध्ये मतमतांतरे आहेत. पण घरात कायम राडे करुन चर्चेत राहण्याऱ्या अरबाज आणि निक्कीला मात्र फायनलमध्ये प्रेक्षकांना बघायची इच्छा नसल्याचंही पाहायला मिळतंय.
View this post on Instagram
