लखनौ. बलात्कार प्रकरणात जन्मठेपेची शिक्षा भोगत असलेले माजी कॅबिनेट मंत्री गायत्री प्रसाद प्रजापती यांना उच्च न्यायालयाकडून दणका बसला आहे. न्यायालयाने त्यांचा जामीन अर्ज फेटाळला आहे. अलाहाबाद उच्च न्यायालयाच्या लखनौ खंडपीठाने हा निकाल दिला आहे. न्यायमूर्ती विवेक चौधरी आणि न्यायमूर्ती फैज आलम यांनी हा निकाल दिला आहे.
सत्र न्यायालयाने सुनावलेल्या जन्मठेपेच्या शिक्षेविरोधात प्रजापती यांनी उच्च न्यायालयात अपील दाखल केले होते. त्यांनी जामिनावर सुटका करण्यासाठी अर्जही दाखल केला होता. न्यायालयाने या अर्जावरील निर्णय 10 सप्टेंबर रोजी राखून ठेवला होता, जो शुक्रवारी सुनावण्यात आला.
