टीम इंडिया आणि बांगलादेशमधील पहिला कसोटी सामना सुरू आहे. या सामन्यावर टीम इंडियाने आपल पकड मिळवली आहे. सामन्याचा आजचा तिसरा दिवस संपला असून बांगलादेश दुसऱ्या डावामध्ये 158-4 धावांवर आहे. बांगलादेशला कसोटी सामना जिंकण्यासाठी आणखी 357 धावांची आवश्यकता आहे. तर टीम इंडियाला सहा विकेटची गरज आहे. सामन्यातील एक व्हिडीओ सोशल मीडियालर व्हायरल होत आहे. विराट कोहली आणि शाकिब अल हसन यांचा व्हिडीओ समोर आला आहे. मैदानावर आपल्या चुकीच्या वर्तनामुळे कायम चर्चेत राहणाऱ्या शाकिब अल हसन आणि विराटमध्ये नेमकी काय चर्चा झाली.
विराट कोहली कसोटी सामन्यामध्ये काही खास प्रदर्शन करू शकलेला नाही. पहिल्या डावात 06धाला त दुसऱ्या डावात 17 धावांवर आऊट झाला. मात्र सामन्याच्या दुसऱ्या दिवशी विराट बॅटींग करत असताना विराट आणि शाकिब यांच्यात नेमकी काय चर्चा झाली की शाब्दिक बाचाबाची झाली? याची सर्वांना उत्सुकता लागली आहे. विराट नॉन-स्ट्राईकला असताना त्याने नुकतीच ओव्हर टाकून गेलेल्या शाकिब अल हसनला बोलला की, काय मलिंगा झाला आहेस, यॉर्करवर यॉर्करवर टाकत आहेस. यावर शाकिबही हसला
शाकिब अल हसन याने अनेकदा मैदानात राडा घातल्याचं पाहिलं असेल. एका प्रकरणामध्ये त्याच्यावर दोन वर्षांची कारवाई करण्यात आली होती. त्यानंतरही त्याचे अनेकवेळा मैदनात वाद होत असतात. पंचांनी आऊट दिलं नाही म्हणून त्याने स्टम्प उखडले होते. रागीट स्वभावाचा शाकिब विराटसमोर हसत होता.
बांगलादेश प्लेइंग 11 : नजमुल हुसेन शांतो (कॅप्टन), शादमान इस्लाम, झाकीर हसन, मोमिनुल हक, मुशफिकुर रहीम, शाकीब अल हसन, लिटन दास (विकेटकीपर), मेहदी हसन मिराझ, तस्किन अहमद, हसन महमूद आणि नाहिद राणा.
टीम इंडिया प्लेइंग 11 : रोहित शर्मा (कर्णधार), यशस्वी जयस्वाल, शुबमन गिल, विराट कोहली, केएल राहुल, ऋषभ पंत (विकेटकीपर), रवींद्र जडेजा, रवीचंद्रन अश्विन, जसप्रीत बुमराह, आकाश दीप आणि मोहम्मद सिराज.
