Uddhav Thackeray : थोड्याच वेळात उद्धव ठाकरे येणार नागपूर विमानतळावर

थोड्याच वेळात उद्धव ठाकरे येणार नागपूर विमानतळावर येणार आहेत. आज नागपूरला आल्यावर विदर्भातील सेनेचे पदाधिकरी यांच्याशी हॉटेल रेडिसन येथे विधानसभेच्या पार्श्वभूमीवर बैठका होती

Pandharpur : पंढरपूर येथील विठ्ठल रुक्मिणी मंदिरात स्वच्छता मोहिम

शारदीय नवरात्रोत्सवाच्या निमित्ताने पंढरपूर येथील विठ्ठल रुक्मिणी मंदिरात आज पासून स्वच्छता मोहिम सुरू करण्यात आली आहे. येत्या 3 आक्टोबर रोजी घटस्थापना होणार आहे.

Kolhapur bench Live: मुंबई उच्च न्यायालयाच्या कोल्हापूर खंडपीठासाठी सर्वोच्च न्यायालयाचे न्यायमूर्ती भूषण गवई यांची पाठराखण

मुंबई उच्च न्यायालयाच्या कोल्हापूर खंडपीठासाठी सर्वोच्च न्यायालयाचे न्यायमूर्ती भूषण गवई यांनी पाठराखण केली आहे. कोल्हापूर खंडपीठ ही काळाची गरज आहे. राज्याच्या टोकाला राहणाऱ्या रहिवाशांना जलद आणि प्रभावी न्याय मिळवा, असं न्यायमूर्ती गवई म्हणाले. न्यायमूर्ती गवई २०२५ मध्ये सर्वोच्च न्यायालयाचे सरन्यायाधीश बनण्याच्या मार्गावर आहेत.

Pune Metro News Live: पुणेकरांसाठी आनंदाची बातमी! आजपासून प्रवाशांसाठी सुरू होणार जिल्हा न्यायालय ते स्वारगेट हा मेट्रो मार्ग

आजपासून प्रवाशांसाठी जिल्हा न्यायालय ते स्वारगेट हा मेट्रो मार्ग सुरू होणार आहे. पंतप्रधान नरेंद्र मोदी यांच्या हस्ते ऑनलाईन पद्धतीने या मार्गाचे लोकार्पण होणार आहे. संध्याकाळी ४ वाजता हा मार्ग प्रवाशांसाठी खुला करण्यात येणार आहे. जिल्हा न्यायालय ते स्वारगेट हा पुण्यातील पहिला भूमिगत मेट्रो मार्ग आहे. या मार्गावर जिल्हा न्यायालय, कसबा पेठ, मंडई, स्वारगेट असे ४ मेट्रो स्थानके आहेत.

कसे असणार या मार्गावरचे तिकीट दर

जिल्हा न्यायालय ते कसबा पेठ: १० रुपये

जिल्हा न्यायालय ते मंडई: १५ रुपये

जिल्हा न्यायालय ते स्वारगेट: १५ रुपये

स्वारगेट ते मंडई: १० रुपये

स्वारगेट ते कसबा पेठ: १५ रुपये

स्वारगेट ते जिल्हा न्यायालय: १५ रुपये

Pune Bhor News Live: पुण्याच्या भोरमधील किवत गावातील पोलिस व शासकिय नोकरीत भरती झालेल्या सात जणांचा ग्रामस्थांकडून सत्कार

पुण्याच्या भोरमधील किवत गावातील पोलिस व शासकिय नोकरीत भरती झालेल्या सात जणांचा ग्रामस्थांकडून सत्कार करण्यात आला. गावातून जंगी मिरवणूक काढून सत्कार केला गेला. मिरवणूकीत ग्रामस्थांबरोबरच महिला व तरुणींचा सहभाग होता. सात जण मोफत असलेल्या भोरमधील संकल्प अभ्यासिकेत अभ्यास करत होते.

NCP Melava Live: राष्ट्रवादी काँग्रेसचे हसन मुश्रीफ आज पुण्यात तर शरद पवार गटाचे समरजीत घाडगे मुंबईत घेणार मेळावे

राष्ट्रवादी काँग्रेसचे हसन मुश्रीफ आज पुण्यात तर शरद पवार गटाचे समरजीत घाडगे मुंबईत मेळावे घेणार आहेत. विधानसभा निवडणुकीच्या तोंडावर विविध शहरातील आपल्या मतदारांपर्यंत पोहचण्यासाठी मेळावे सुरू आहेत. समरजीत घाडगे आज डिलाईल रोड येथे दुपारी ३ वाजता ग्रामस्थांशी संवाद साधणार, मागील रविवारी यांच ठिकाणी हसन मुश्रीफांनी मेळावा घेतला होता.

PM Modi Pune Live: पंतप्रधान नरेंद्र मोदी आज दूरदृष्य प्रणालीद्वारे करणार पुण्यातील विविध विकासकामांचे उद्घाटन

जिल्हा न्यायालय मेट्रो स्थानक ते स्वारगेट मेट्रो स्थानक या मार्गाचे पंतप्रधान नरेंद्र मोदी यांच्या हस्ते दुपारी लोकार्पण होणार आहे. मुख्यमंत्र्यांसह दोन्ही उपमुख्यमंत्री उपस्थितीत राहणार आहेत. सकाळी 11 वाजता गणेश क्रीडा मंदिर येथे या उद्घाटन सोहळ्याची सुरुवात होणार आहे. दुपारी १२.३० ते १.०५ या दरम्यान पंतप्रधान दूरदृष्य प्रणालीद्वारे याचे उद्घाटन करणार

याच कार्यक्रमात स्वारगेट ते कात्रज या नवीन दक्षिण विस्तारित मार्गीकेचे भूमिपूजन देखील होणार आहे. २ मेट्रो प्रकल्पांच्या उद्घाटन व भूमिपूजनाबरोबर पंतप्रधान करणार सोलापूर विमानतळाचे उद्घाटन करतील. पुण्यातील भिडेवाडा स्मारकाचे भूमिपूजन आणि बिडकीन प्रकल्पाचे राष्ट्राला समर्पण करणार आहेत.