दरवर्षी शारदीय नवरात्र संपताच मोठ्या उत्साहात आणि आनंदात दसरा साजरा केला जातो. हिंदू धर्मात दसरा हा सण वाईटावर चांगल्याच्या विजयाचे प्रतिक म्हणून हा दिवस साजरा केला जातो. या दिवशी प्रभू रामाने लंकापती रावणाचा वध केला होता, असे मानले जाते. या कारणास्तव आपण दरवर्षी हा दिवस साजरा करतो. दसरा हा सण अश्विन महिन्याच्या शुक्ल पक्षाच्या दहाव्या दिवशी साजरा केला जातो. या दिवशी रामलीला सोबत रावणाचा वध केल्यामुळेच नाही तर इतरही अनेक कारणांसाठी हा दिवस मोठ्या उत्साहात आणि आनंदात साजरा केला जातो. हा दिवस असत्यावर सत्याचा विजय आणि अधर्मावर न्यायाचा विजय म्हणून साजरा केला जातो. चला तर जाणून घेऊया दसरा हा सण साजरा करण्यामागे कोणत्या पौराणिक कथा प्रचलित आहेत. 

istock

दसरा साजरा करण्यामागे अनेक पौराणिक कथा आहेत. त्यापैकी आम्ही तुम्हाला तीन मुख्य कथा सांगत आहोत. 

हेही वाचा : Shardiya Navratri 2024 : शारदीय नवरात्री कधी सुरू होत आहे? जाणून घ्या उपवास, धार्मिक विधी आणि कलश स्थापनेची वेळ

istock

वाल्मिकी रामायणानुसार, भगवान रामाने अश्विन महिन्याच्या शुक्ल महिन्याच्या शुक्ल पक्षातील प्रतिपदा तिथीपासून नवमी तिथीपर्यंत दुर्गादेवींची पूजा केली जाते. यानंतर दशमी तिथीला त्यांनी रावणाचा वध केला. यासाठी दरवर्षी विजयादशमी हा सण साजरा केला जातो. 

istock

दुसऱ्या आख्यायिकेनुसार, महिषासुर आणि मॉं दुर्गा यांच्यातील युद्ध नऊ दिलस चालले आणि दहाव्या दिवशी तिने महिषासुराचा वध केला. या कारणास्तव, विजयादशमी विजयाचे प्रतिक म्हणून अश्विन महिन्याच्या दहाव्या दिवशी साजरी केली जाते. मॉं दुर्गेचा असत्यावर सत्याचा विजय म्हणून साजरा केला जातो. 

istock

एका पौराणिक कथेनुसार, असे सांगितले जाते की, यादिवशी पांडव वनवासात गेले आणि वनवास संपताच त्यांनी शक्तीपूजनासह शमी वृक्षात ठेवलेली शस्त्रे बाहेर काढली आणि कौरवांवर हल्ला केला आणि पांडव जिंकले. त्यामुळे हा दिवस साजरा केला जातो.