Singham Again Trailer : अजय देवगण दिवाळीत आपला धमाकेदार सिंघम अगेन हा चित्रपट घेऊन येत आहे. १ नोव्हेंबरला सिंघम अगेन हा देशभरातील थिएटरवर झळकणार आहे. रोहित शेट्टी दिग्दर्शित या चित्रपटात रणवीर सिंह, अक्षय कुमार देखील असणार आहेत. या चित्रपटाचा ट्रेलर नुकताच रिलीज झाला आहे. या ट्रेलरला चांगला प्रतिसाद लाभत आहे. 

दरम्यान, सिंघमचा ट्रेलर पाहून अभिनेत्री अमिषा पटेलने एक मोठा दावा केला. अमिषा पटेल म्हणते की सिंघम अगेन हा चित्रपट बॉक्स ऑफिसवर २ हजार कोटींचा गल्ला कमावणार आहे. 

Instagram

७ ऑक्टोबरला सिंघमचा ट्रेलर लाँच झाला. हा ट्रेलर पाहिल्यानंतर अमिषा पटेलने एक्सवर ट्विट केलं. या ट्विटमध्ये तिने सिंघमची तुलना ही गदरशी केली. तसेच सिंघम हा बॉक्स ऑफिसवर बंपर कमाई करणार असं देखील ती म्हणाली. 

हेही वाचा : Gauri Khan Turns 54: गौरी होती शाहरुख खानची कॉस्ट्यूम

'सिंघम अगेनचा ट्रेलर पाहिला. फायर आहे. ज्यावेळी गदरमध्ये तारा आपल्या सकिनाला घेण्यासाठी गेला त्यावेळी बॉक्स ऑफिसवर आग लागली होती. आता ज्यावेळी बाजीराव सिंघम हा आपल्या सीताला घेण्यासाठी जाणार त्यावेळी पुन्हा धमाका होणार. गदरमध्ये एक तारा आणि एक सकिना होती. या चित्रपटाने फक्त हिंदी बेल्टमध्ये ५०० कोटींची कमाई केली होती. सिंघम अगेनमध्ये ५ तारा सिंह आहेत. त्यामुळे तो २ हजार कोटी तरी कमवणारच!' 

अमिषा पटेलने सिंघममध्ये ५ तारा सिंग असल्याचं म्हटलंय यात अजय देवगण, अक्षय कुमार, रणवीर सिंह, टायगर श्रॉफ, अर्जुन कपूर यांचा समावेश आहे. आता हा चित्रपट रिलीज झाल्यावर बॉक्स ऑफिसवर किती धमाका करतो हे पाहाव लागणार आहे. या चित्रपटात जॅकी श्रॉफ, दयानंद शेट्टी, करिना कपूर, दीपिका पदुकोण देखील आहेत. त्यामुळे या मल्टी स्टारर चित्रपटाची सगळीकडे हवा आहे. 

  हेही वाचा : Khosla Ka Ghosla 2 : खोसला का घोसलाचा येणार सिक्वेल, अनुपम खेर अन् बोमन इराणींची पुन्हा दिसणार जुगलबंदी?

सिंघम फ्रेंचायजीची सुरूवात ही २०११ मध्ये झाली होती. त्यावेळी या चित्रपटाने बॉक्स ऑफिसवर वर्ल्डवाईड १४७.८९ कोटी रूपयांची कमाई केली होती. त्यानंतर सिंघम रिटन हा चित्रपट २०१४ मध्ये रिलीज झाला. या चित्रपटाने २२० कोटींची कमाई केली होती.